bhik

kisī mandir kī ghanTī se

Darā sahmā huā bhagvān

ik TuuTe hue vīrān ghar meñ jā chhupegā

aur pujārī

ḳhuun meñ Duube hue tirshūl le kar

deviyoñ aur devtāoñ ko pukāreñge

salībeñ bhī sabhī ḳhālī mileñgī

har taraf girjā-gharoñ meñ

kyuuñ ki sab māsūm-tīnat log

galī ke moḌ par suulī se laTke

duā-e-maġhfirat meñ har ghaḌī masrūf hoñge

qātiloñ ke vāste

azānoñ meñ

ḳhudā-e-pāk ke har zikr ke badle

shāyad kisī qahhār yā jabbār kī

hamd o sanā hogī

ham apnī āqibat kī bhiik māñgeñge

ḳhudā ke nek bandoñ se

kisi mandir ki ghanTi se

Dara sahma hua bhagwan

ek TuTe hue viran ghar mein ja chhupega

aur pujari

KHun mein Dube hue tirshul le kar

dewiyon aur dewtaon ko pukarenge

saliben bhi sabhi KHali milengi

har taraf girja-gharon mein

kyun ki sab masum-tinat log

gali ke moD par suli se laTke

dua-e-maghfirat mein har ghaDi masruf honge

qatilon ke waste

azanon mein

KHuda-e-pak ke har zikr ke badle

shayad kisi qahhaar ya jabbar ki

hamd o sana hogi

hum apni aaqibat ki bhik mangenge

KHuda ke nek bandon se