billi

ye sach hai ki peT apnā bhartī hai billī

kitchen kī safā.ī to kartī hai billī

nahīñ hone detī hai hargiz vo khaḌ-khaḌ

ki khiḌkī se jis dam utartī hai billī

jahāñ par ki do chaar kutte hoñ maujūd

to aisī jagah kab Thahartī hai billī

kareñ taaki tadfīn K-M-C vaale

jabhī biich raste meñ martī hai billī

baḌī nasl kā jab nazar aa.e chuhā

to bach kar vahāñ se guzartī hai billī

miyā.ūñ miyā.ūñ miyā.ūñ miyā.ūñ

ijāzat talab aaise kartī hai billī

bilā-vaj.h billī se Darte haiñ bachche

haqīqat meñ bachchoñ se Dartī hai billī

ye sach hai ki peT apna bharti hai billi

kitchen ki safai to karti hai billi

nahin hone deti hai hargiz wo khaD-khaD

ki khiDki se jis dam utarti hai billi

jahan par ki do chaar kutte hon maujud

to aisi jagah kab Thaharti hai billi

karen taki tadfin K-M-C wale

jabhi bich raste mein marti hai billi

baDi nasl ka jab nazar aae chuha

to bach kar wahan se guzarti hai billi

miyaun miyaun miyaun miyaun

ijazat talab aaise karti hai billi

bila-wajh billi se Darte hain bachche

haqiqat mein bachchon se Darti hai billi