bohran

judā.ī aur kyā hai maiñ jise sahtā nahīñ rahtā

ye tum se roz kā milnā

judā hone se pahle der tak

ik baat se ik baat tak

lafzoñ kā luḌhkānā

na.e mausam kī bāteñ

ālimāna guftugūeñ un manāzir kī

siyāsat jin kā chehra kal dikhā.egī

mulāqāteñ haiñ aur aisī mulāqāteñ

ki bāham roz kā milnā na milnā

koī bhī arzish nahīñ rakhtā

ye kaisā vasl hai

jis meñ

hadeñ miTtī nahīñ

bātoñ se bātoñ kā milānā

maiñ se tū tak kā safar bhī ban nahīñ paatā

ye kaise rābte haiñ

kursiyoñ se kursiyāñ miltī haiñ

lekin darmiyānī fāsle miTte nahīñ

judai aur kya hai main jise sahta nahin rahta

ye tum se roz ka milna

juda hone se pahle der tak

ek baat se ek baat tak

lafzon ka luDhkana

nae mausam ki baaten

aalimana guftuguen un manazir ki

siyasat jin ka chehra kal dikhaegi

mulaqaten hain aur aisi mulaqaten

ki baham roz ka milna na milna

koi bhi arzish nahin rakhta

ye kaisa wasl hai

jis mein

haden miTti nahin

baaton se baaton ka milana

main se tu tak ka safar bhi ban nahin pata

ye kaise rabte hain

kursiyon se kursiyan milti hain

lekin darmiyani fasle miTte nahin