bol anmol

ab ye masāfat kaise tai ho ai dil tū hī batā

kaTtī umr aur ghaTte fāsle phir bhī vahī sahrā

chait aayā chetāvanī bhejī apnā vachan nibhā

patjhaḌ aa.ī patr likhe aa jīvan biit chalā

ḳhushiyoñ kā mukh chuum ke dekhā duniyā mān-bharī

dukh vo sajan kaThor ki jis ko ruuh kare sajda

apnā paikar apnā saaya kaale kos kaThin

duurī kī jab sañgat TuuTī koī qarīb na thā

apne gird ab apne aap meñ ghultī soch bhalī

kis ke dost aur kaise dushman sab ko dekh liyā

kāñch kī ik dīvār zamāna āmne-sāmne ham

nazroñ se nazroñ kā bandhan jism se jism judā

rāheñ dhaḌkīñ shāḳheñ kaḌkīñ ik ik Tiis aTal

kitnī tez chalī hai ab ke dhūl-bharī havā

dukhḌe kahte lākhoñ mukhḌe kis kis kī suniye

bolī to ik ik kī vaisī baanī sab kī judā

ab ye masafat kaise tai ho ai dil tu hi bata

kaTti umr aur ghaTte fasle phir bhi wahi sahra

chait aaya chetawani bheji apna wachan nibha

patjhaD aai patr likhe aa jiwan bit chala

KHushiyon ka mukh chum ke dekha duniya man-bhari

dukh wo sajan kaThor ki jis ko ruh kare sajda

apna paikar apna saya kale kos kaThin

duri ki jab sangat TuTi koi qarib na tha

apne gird ab apne aap mein ghulti soch bhali

kis ke dost aur kaise dushman sab ko dekh liya

kanch ki ek diwar zamana aamne-samne hum

nazron se nazron ka bandhan jism se jism juda

rahen dhaDkin shaKHen kaDkin ek ek Tis aTal

kitni tez chali hai ab ke dhul-bhari hawa

dukhDe kahte lakhon mukhDe kis kis ki suniye

boli to ek ek ki waisi bani sab ki juda