button

asar anokhā huā

jab āstīñ kā button gir ke kho gayā jānāñ

tumhārī yaad kā siina hazār chaak huā

vo ek nuur kā dhāga dhyān meñ aayā

kasā huā sā koī taar saaz kā jaise

lagā ke pech ka.ī dil ko bāñdhne kī adā

gulābī hoñToñ se ho kar guzarne vaalī Dor

tumhāre dāñtoñ se kyā paT se TuuT jaatī thī

kushāda āñkhoñ ke goshoñ se sar ubalte the

ab aise bāñsurī pe koī lab nahīñ rakhtā

tumhārī tarah button aur kaun Tāñkegā

bas ek saañs kī suuī hai zaḳhm siitī hai

asar anokha hua

jab aastin ka button gir ke kho gaya jaanan

tumhaari yaad ka sina hazar chaak hua

wo ek nur ka dhaga dhyan mein aaya

kasa hua sa koi tar saz ka jaise

laga ke pech kai dil ko bandhne ki ada

gulabi honTon se ho kar guzarne wali Dor

tumhaare danton se kya paT se TuT jati thi

kushada aankhon ke goshon se sar ubalte the

ab aise bansuri pe koi lab nahin rakhta

tumhaari tarah button aur kaun Tankega

bas ek sans ki sui hai zaKHm siti hai