cake ka ek TukDa

kohna-tar ziin badlī ga.ī

phir na.ī na'al-bandī huī

aur faras hinhināyā

savār ab savārī par majbūr thā

maiñ akelā azā-dār

kitne yugoñ se

uThā.e hue

jism kā tāziya

ḳhud hī apne janam-din pe masrūr thā

kapkapātī chhurī

cake ko vast tak

chiir kar ruk ga.ī

dil larazne lagā

zo.af kī maarī phūñkoñ ne

ek ek kar ke

bhaḌaktī lavoñ ko bujhāyā

azīzoñ ne

bachchoñ ne

taalī bajā.ī

mubārak mubārak huī

cake kā ek TukḌā

mire muñh meñ Thūñsā gayā

na'al kī shakl kā

kohna-tar zin badli gai

phir nai na'al-bandi hui

aur faras hinhinaya

sawar ab sawari par majbur tha

main akela aza-dar

kitne yugon se

uThae hue

jism ka taziya

KHud hi apne janam-din pe masrur tha

kapkapati chhuri

cake ko wast tak

chir kar ruk gai

dil larazne laga

zoaf ki mari phunkon ne

ek ek kar ke

bhaDakti lawon ko bujhaya

azizon ne

bachchon ne

tali bajai

mubarak mubarak hui

cake ka ek TukDa

mere munh mein Thunsa gaya

na'al ki shakl ka