chand koi afsana nahin

ab to ilm kī parvāzeñ

aur hī qisse kahtī haiñ

baajī ab to mat bolo

chāñd meñ pariyāñ rahtī haiñ

chāñd na apnā māmūñ hai

aur na des vo pariyoñ kā

chāñd meñ koī buḌhiyā hai

aur na buḌhiyā kā charḳhā

sadiyoñ sadiyoñ khoj ke baa'd

ab ham ne ye jaanā hai

chāñd koī afsāna nahīñ

ek haqīqī duniyā hai

sardī garmī donoñ tez

oxygen kā naam nahīñ

chaTTāneñ haiñ khā.iyāñ haiñ

dhartī sā ārām nahīñ

ho jā.egā par ik roz

jī lenā āsān vahāñ

apne jiine kā sāmāñ

kar legā insān vahāñ

ilm-o-hunar kī dhārā.eñ

pīchhe ko kab bahtī haiñ

baajī ab to mat bolo

chāñd meñ pariyāñ rahtī haiñ

ab to ilm ki parwazen

aur hi qisse kahti hain

baji ab to mat bolo

chand mein pariyan rahti hain

chand na apna mamun hai

aur na des wo pariyon ka

chand mein koi buDhiya hai

aur na buDhiya ka charKHa

sadiyon sadiyon khoj ke ba'd

ab hum ne ye jaana hai

chand koi afsana nahin

ek haqiqi duniya hai

sardi garmi donon tez

oxygen ka nam nahin

chaTTanen hain khaiyan hain

dharti sa aaram nahin

ho jaega par ek roz

ji lena aasan wahan

apne jine ka saman

kar lega insan wahan

ilm-o-hunar ki dhaaraen

pichhe ko kab bahti hain

baji ab to mat bolo

chand mein pariyan rahti hain