chand pe ja pahuncha insan

jo bhī mushkil raah meñ aa.ī pal meñ thī āsān

apnī himmat se insāñ ne maarā vo maidān

miTTī bolī mere dil kā niklā aaj armān

chāñd pe jā pahuñchā insān

rocket ek uḌā dhartī se aur havā meñ pahuñchā

us ko havā se kyā lenā thā duur fazā meñ pahuñchā

us se bhī kuchh aage niklā aur ḳhalā meñ pahuñchā

himmat maiñ tujh par qurbān

chāñd pe jā pahuñchā insān

jo bhī mushkil raah meñ aa.ī pal meñ thī āsān

ab mirrīḳh bhī duur nahīñ hai chāñd pe jaane vaale

terī himmat par nāzāñ haiñ aaj zamāne vaale

duur zamīñ se sayyāroñ kā khoj lagāne vaale

ilm-o-hunar kī ek na.ī tārīḳh banāne vaale

terā kaam hai ālī-shān

himmat maiñ tujh par qurbān

chāñd pe jā pahuñchā insān

jo bhī mushkil raah meñ aa.ī pal meñ thī āsān

jo bhi mushkil rah mein aai pal mein thi aasan

apni himmat se insan ne mara wo maidan

miTTi boli mere dil ka nikla aaj arman

chand pe ja pahuncha insan

rocket ek uDa dharti se aur hawa mein pahuncha

us ko hawa se kya lena tha dur faza mein pahuncha

us se bhi kuchh aage nikla aur KHala mein pahuncha

himmat main tujh par qurban

chand pe ja pahuncha insan

jo bhi mushkil rah mein aai pal mein thi aasan

ab mirriKH bhi dur nahin hai chand pe jaane wale

teri himmat par nazan hain aaj zamane wale

dur zamin se sayyaron ka khoj lagane wale

ilm-o-hunar ki ek nai tariKH banane wale

tera kaam hai aali-shan

himmat main tujh par qurban

chand pe ja pahuncha insan

jo bhi mushkil rah mein aai pal mein thi aasan