چھپکلی

بھوری بھوری پیلی یہ

ذرا نہیں زہریلی یہ

دیکھو کیا شرمیلی سی

سست نہیں نہ ڈھیلی سی

کام بڑا کر جائے یہ

کیڑے مکوڑے کھائے یہ

کرتی کوئی نقصان نہیں

موذی یہ مہمان نہیں

دم کو کاٹ لے خطرے میں

نکل آئے جو ہفتے میں

کتنی یہ خاموش رہے

پھر بھی یہ باہوش رہے

رات نظر آتی ہے یہ

دن کو چھپ جاتی ہے یہ

چھت سے گرنے پائے نہیں

اتنے پاس یہ آئے نہیں

چہرہ اس کا بڑا تکون

غور سے اس کو دیکھے کون

کھائے نکالے تیز زباں

کرم پتنگے رہیں کہاں

سن بتلائے کیا یاسرؔ

یہ پھر دوست ہوئی نا پھر