chhuara dekhna
pahle gyārah the pisar is saal baara dekhnā
ishq ke aḳhbār kā taaza shumāra dekhnā
chūñki ham donoñ hī būḌhe ho chuke haiñ is liye
maiñ suhāgan DhūñDhtā huuñ tum kañvārā dekhnā
maiñ tumhārī lāTrī meñ jab nikal aayā to phir
apnī ammī se kaho kyā istiḳhārā dekhnā
un kī ammī jaan meñ un se zyāda jaan hai
lazzat-e-ālū pas-e-ālū buḳhārā dekhnā
hai kisī tifl-e-muhājir kī tarah sahmā huā
'ḳhālid-e-irfāñ' kī shādī kā chhuārā dekhnā
pahle gyarah the pisar is sal bara dekhna
ishq ke aKHbar ka taza shumara dekhna
chunki hum donon hi buDhe ho chuke hain is liye
main suhagan DhunDhta hun tum kanwara dekhna
main tumhaari laTri mein jab nikal aaya to phir
apni ammi se kaho kya istiKHara dekhna
un ki ammi jaan mein un se zyaada jaan hai
lazzat-e-alu pas-e-alu buKHara dekhna
hai kisi tifl-e-muhajir ki tarah sahma hua
'KHalid-e-irfan' ki shadi ka chhuara dekhna
- Book : No Problem (Pg. 75)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
