chhuTTi

ab kī garmī kī chhuTTī meñ

ya.anī is guzrī garmī meñ

ga.e lakhna.ū ham ḳhāla ke ghar

dekhe tarah tarah ke manzar

bhūl-bhulayyāñ ham ne dekhī

jā ke na nikle jis meñ koī

dekhā husain-ābād kā phāTak

dekhā cinema dekhā nāTak

laaT shahīdoñ vaalī dekhī

park ga.e ham hāthī vaalī

council chamber dekhā ham ne

zō bhī jā kar bhālū dekhe

naach dikhāte kaalū dekhe

belly-gaurd ham ne dekhī

jis meñ chale the gole golī

ga.e amīnābād bhī yaaro

aur hue ham shaad bhī yaaro

ganj kī ham ne sair bhī kar lī

har manzar se jholī bhar lī

guzre qaisar-bāġh se ho kar

chār-bāġh kā chaltā manzar

dekh ke har manzar ko aa.e

lauT ke apne ghar ko aa.e

ab ki garmi ki chhuTTi mein

yani is guzri garmi mein

gae lakhnau hum KHala ke ghar

dekhe tarah tarah ke manzar

bhul-bhulayyan hum ne dekhi

ja ke na nikle jis mein koi

dekha husain-abaad ka phaTak

dekha cinema dekha naTak

laT shahidon wali dekhi

park gae hum hathi wali

council chamber dekha hum ne

zoo bhi ja kar bhaalu dekhe

nach dikhate kalu dekhe

belly-gaurd hum ne dekhi

jis mein chale the gole goli

gae aminabaad bhi yaro

aur hue hum shad bhi yaro

ganj ki hum ne sair bhi kar li

har manzar se jholi bhar li

guzre qaisar-bagh se ho kar

chaar-bagh ka chalta manzar

dekh ke har manzar ko aae

lauT ke apne ghar ko aae