barsat

vo dekho uThī kaalī kaalī ghaTā

hai chāroñ taraf chhāne vaalī ghaTā

ghaTā ke jo aane kī aahaT huī

havā meñ bhī ik sansanāhaT huī

ghaTā aan kar meñh jo barsā ga.ī

to be-jān miTTī meñ jaan aa ga.ī

zamīñ sabze se lahlahāne lagī

kisānoñ kī mehnat Thikāne lagī

jaḌī-būTiyāñ peḌ aa.e nikal

ajab bel patte ajab phuul phal

har ik peḌ kā yak nayā Dhañg hai

har ik phuul kā ik nayā rañg hai

ye do din meñ kyā mājrā ho gayā

ki jañgal kā jañgal harā ho gayā

jahāñ kal thā maidān chaTyal paḌā

vahāñ aaj hai ghaas kā ban paḌā

hazāroñ phudakne lage jānvar

nikal aa.e goyā ki miTTī ke par

wo dekho uThi kali kali ghaTa

hai chaaron taraf chhane wali ghaTa

ghaTa ke jo aane ki aahaT hui

hawa mein bhi ek sansanahaT hui

ghaTa aan kar meinh jo barsa gai

to be-jaan miTTi mein jaan aa gai

zamin sabze se lahlahane lagi

kisanon ki mehnat Thikane lagi

jaDi-buTiyan peD aae nikal

ajab bel patte ajab phul phal

har ek peD ka yak naya Dhang hai

har ek phul ka ek naya rang hai

ye do din mein kya majra ho gaya

ki jangal ka jangal hara ho gaya

jahan kal tha maidan chaTyal paDa

wahan aaj hai ghas ka ban paDa

hazaron phudakne lage jaanwar

nikal aae goya ki miTTi ke par