ek waqt mein ek kaam

hai kaam ke vaqt kaam achchhā

aur khel ke vaqt khel zebā

jab kaam kā vaqt ho karo kaam

bhūle se bhī khel kā na lo naam

haañ khel ke vaqt ḳhuub khelo

kuudo phāñdo ki DañD pelo

ḳhush rahne kā hai yahī tarīqa

har baat kā sīkhiye salīqa

himmat ko na hāriyo ḳhudā-rā

mat DhūñDiyo ġhair kā sahārā

apnī himmat se kaam karnā

mushkil ho to chāhiye na Darnā

jo kuchh ho so apne dam qadam se

kyā kaam hai ġhair ke karam se

mat chhoḌiyo kaam ko adhūrā

be-kār hai jo huā na puurā

har vaqt maiñ sirf ek hī kaam

pā saktā hai behtarī se anjām

jab kaam meñ kaam aur chheḌā

donoñ hī meñ paḌ gayā bakheḌā

jo vaqt guzar gayā akārat

afsos! huā ḳhazāna ġhārat

hai kaam ke vaqt kaam achchhā

aur khel ke vaqt khel zebā

hai kaam ke waqt kaam achchha

aur khel ke waqt khel zeba

jab kaam ka waqt ho karo kaam

bhule se bhi khel ka na lo nam

han khel ke waqt KHub khelo

kudo phando ki DanD pelo

KHush rahne ka hai yahi tariqa

har baat ka sikhiye saliqa

himmat ko na haariyo KHuda-ra

mat DhunDiyo ghair ka sahaara

apni himmat se kaam karna

mushkil ho to chahiye na Darna

jo kuchh ho so apne dam qadam se

kya kaam hai ghair ke karam se

mat chhoDiyo kaam ko adhura

be-kar hai jo hua na pura

har waqt main sirf ek hi kaam

pa sakta hai behtari se anjam

jab kaam mein kaam aur chheDa

donon hi mein paD gaya bakheDa

jo waqt guzar gaya akarat

afsos! hua KHazana ghaarat

hai kaam ke waqt kaam achchha

aur khel ke waqt khel zeba