chor

so ga.ī raat bahut der huī

thak ke leTī thī kisī rāhguzar par

kisī kamre kisī vīrāne meñ

kisī masjid kisī mai-ḳhāne meñ

kisī patthar ke sutūñ se Tik kar

kisī dīvār ke siine se lagā.e hue sar

so ga.ī raat bahut der huī

chāñd bhī Duub gayā

taare bad-ḳhvāh paḌosī kī tarah ġhaur se dekh rahe haiñ

ki kisī aur paḌosī ke yahāñ

raushnī kaisī hai kyā hotā hai

aao

aaise maiñ ne dekhe dekhegā koī

aao aur mujh ko churā le jaao

so gai raat bahut der hui

thak ke leTi thi kisi rahguzar par

kisi kamre kisi virane mein

kisi masjid kisi mai-KHane mein

kisi patthar ke sutun se Tik kar

kisi diwar ke sine se lagae hue sar

so gai raat bahut der hui

chand bhi Dub gaya

tare bad-KHwah paDosi ki tarah ghaur se dekh rahe hain

ki kisi aur paDosi ke yahan

raushni kaisi hai kya hota hai

aao

aaise main ne dekhe dekhega koi

aao aur mujh ko chura le jao