chuha

hai mire paas ik mirā chuhā

ḳhūbsūrat sā dil-rubā chuhā

dum bhī chūhe kī sar bhī chūhe kā

hai mirā chuhā bas nirā chuhā

billī ko bhī sabaq paḌhātā hai

hai bahut hī paḌhā-likhā chuhā

mere chūhe ko koī kuchh na kahe

mirā chuhā hai lāDlā chuhā

so gayā dekh kar vo billī ko

log samjhe ki mar gayā chuhā

harkateñ us kī sab dileroñ kī

kaam kā sher naam kā chuhā

do hī chūhe haiñ saarī duniyā meñ

ik mirā chuhā ik tirā chuhā

chuhā dekhā to ro paḌī billī

billī dekhī to hañs diyā chuhā

baat ik bhī sunī na billī ne

umr bhar chīḳhtā rahā chuhā

jitne chūhe haiñ mere chūhe haiñ

ye mirā chuhā vo mirā chuhā

tere chūhe ko khā ga.ī billī

merī billī ko khā gayā chuhā

kal laḌā.ī huī thī donoñ meñ

mar ga.ī billī bach gayā chuhā

hai mere pas ek mera chuha

KHubsurat sa dil-ruba chuha

dum bhi chuhe ki sar bhi chuhe ka

hai mera chuha bas nira chuha

billi ko bhi sabaq paDhata hai

hai bahut hi paDha-likha chuha

mere chuhe ko koi kuchh na kahe

mera chuha hai laDla chuha

so gaya dekh kar wo billi ko

log samjhe ki mar gaya chuha

harkaten us ki sab dileron ki

kaam ka sher nam ka chuha

do hi chuhe hain sari duniya mein

ek mera chuha ek tera chuha

chuha dekha to ro paDi billi

billi dekhi to hans diya chuha

baat ek bhi suni na billi ne

umr bhar chiKHta raha chuha

jitne chuhe hain mere chuhe hain

ye mera chuha wo mera chuha

tere chuhe ko kha gai billi

meri billi ko kha gaya chuha

kal laDai hui thi donon mein

mar gai billi bach gaya chuha