KHat-e-dud

vo cigarette

jis ko mahaktī huī uñgliyoñ

aur ziyā-pāsh nazroñ

se tū ne uThāyā jalāyā

baḌe nāz-o-andāz se kash lagā.e

fazā meñ dhūeñ ne vo jaadū jagā.e

ki maiñ jin meñ mas.hūr sā ho gayā huuñ

vahīñ kho gayā huuñ

magar phir achānak

ḳhayāloñ kī rū kuchh bahak sī ga.ī hai

ghane jangaloñ meñ bhaTak sī ga.ī hai

havāoñ meñ ik ḳhauf sā sar-sarāyā

darindoñ shayātīn kā ġhol aayā

mujhe dekh kar un kī angārā āñkheñ

dahakne lagī haiñ

ḳhushī aur nafrat ke jazbāt se yuuñ

chamakne lagī haiñ

ki jaise unheñ mudda'ā mil gayā ho

añdhere meñ ik rāsta mil gayā ho

dabe paaoñ saare darinde

mirī samt baḌhne lage haiñ

mujhe maut ke ḳhūnī panje meñ le kar

buland aur baalā pahāḌoñ kī choTī

pe lahrāte bal khāte chaḌhne lage haiñ

wo cigarette

jis ko mahakti hui ungliyon

aur ziya-pash nazron

se tu ne uThaya jalaya

baDe naz-o-andaz se kash lagae

faza mein dhuen ne wo jadu jagae

ki main jin mein mashur sa ho gaya hun

wahin kho gaya hun

magar phir achanak

KHayalon ki ru kuchh bahak si gai hai

ghane jangalon mein bhaTak si gai hai

hawaon mein ek KHauf sa sar-saraya

darindon shayatin ka ghol aaya

mujhe dekh kar un ki angara aankhen

dahakne lagi hain

KHushi aur nafrat ke jazbaat se yun

chamakne lagi hain

ki jaise unhen mudda'a mil gaya ho

andhere mein ek rasta mil gaya ho

dabe paon sare darinde

meri samt baDhne lage hain

mujhe maut ke KHuni panje mein le kar

buland aur baala pahaDon ki choTi

pe lahraate bal khate chaDhne lage hain