culture

bhīgtī palkoñ ke sau kamroñ meñ laTkī

āñsūoñ se tar tasvīr

ghaas meñ apne ḳhāl-o-ḳhat kī kālak muñh pe liipe

pāñch dariyāoñ meñ zer-e-kāsht

raat ke tanhā shajar pe fāḳhta

yā pāñch harf

jo havā kī taḳhtiyoñ par an-ginat chehroñ meñ Dhalte

chā.valoñ ke biij haiñ

bālisht bhar yā us se ūñchī fasl mausam kī tarah phailī huī

us se pare

shahar maile rañg meñ gūñdhā huā canvas

qadd-e-āmdam paañv ke mauzūñ meñ bastī bastiyāñ

jin kī zabānoñ narḳhuroñ āñtoñ pe kaa.ī kī silā.ī

haath meñ miTTī ke phuul

abr kī chhatrī ke nīche

bhuuk kī bāDoñ meñ laTkī

dhajjiyāñ

andām kī

badan taaza panīrī kī tarah ujle

kahīñ hūTar kī rānoñ meñ masalte

tauliye se jism

aur shahtūt se bachpan

koī to badduā kalima bane

dil hajla-jāñ meñ sitam kī chaar gaz Dorī se lipTā

charḳh-chūñ phirtā hai

bhigti palkon ke sau kamron mein laTki

aansuon se tar taswir

ghas mein apne KHal-o-KHat ki kalak munh pe lipe

panch dariyaon mein zer-e-kasht

raat ke tanha shajar pe faKHta

ya panch harf

jo hawa ki taKHtiyon par an-ginat chehron mein Dhalte

chawalon ke bij hain

baalisht bhar ya us se unchi fasl mausam ki tarah phaili hui

us se pare

shahar maile rang mein gundha hua canwas

qadd-e-amdam panw ke mauzun mein basti bastiyan

jin ki zabanon narKHuron aanton pe kai ki silai

hath mein miTTi ke phul

abr ki chhatri ke niche

bhuk ki baDon mein laTki

dhajjiyan

andam ki

badan taza paniri ki tarah ujle

kahin huTar ki ranon mein masalte

tauliye se jism

aur shahtut se bachpan

koi to baddua kalima bane

dil hajla-jaan mein sitam ki chaar gaz Dori se lipTa

charKH-chun phirta hai