dad-gar

maiñ jāntā huuñ ki aañsū fanā kā lamha hai

use tirī nigah-e-jāvedāñ se rabt nahīñ

maiñ jāntā huuñ ki tū bhī shikār-e-daurāñ hai

matā-e-jāñ ke sivā is qimār-ḳhāne meñ

har ek naqd-e-nafs haar kar pashīmāñ hai

magar ye rabt hai kaisā ye kyā ta.alluq hai

ki jab bhī haar ke uTThā jahāñ kī mahfil se

umañg hañs ke kaleje pe choT khāne kī

hujūm-e-dushna-o-ḳhanjar meñ muskurāne kī

umañg daao pe jān-e-hazīñ lagāne kī

na jaane kyuuñ mire dil meñ ḳhayāl aayā hai

ki jā ke tujh se shikāyat karūñ zamāne kī

main jaanta hun ki aansu fana ka lamha hai

use teri nigah-e-jawedan se rabt nahin

main jaanta hun ki tu bhi shikar-e-dauran hai

mata-e-jaan ke siwa is qimar-KHane mein

har ek naqd-e-nafs haar kar pashiman hai

magar ye rabt hai kaisa ye kya talluq hai

ki jab bhi haar ke uTTha jahan ki mahfil se

umang hans ke kaleje pe choT khane ki

hujum-e-dushna-o-KHanjar mein muskurane ki

umang dao pe jaan-e-hazin lagane ki

na jaane kyun mere dil mein KHayal aaya hai

ki ja ke tujh se shikayat karun zamane ki