dajla ke KHwab

ye adā.eñ raqs ke hañgām kitnī raqs-ḳhez

vo javānān-e-qabīla hosh se bāhar chale

kākuloñ ke sumbulistāñ ārizoñ par aks-rez

jaise sāhil kā nazārā āb-e-dariyā par chale

ik ta.assur hai ki raqsāñ ho rahā hai har taraf

sham.eñ raushan haiñ charāġhāñ ho rahā hai har taraf

aag ke atrāf raushan jaise ik fānūs-e-raqs

raqs kartī laḌkiyāñ kuchh aag ke atrāf yuuñ

jaise sat.h-e-āb par mahtāb ke haale kā aks

jis ko jhūle meñ jhulā.eñ mauj-hā-e-sīmgūñ

mil ke jab jhuktī haiñ lagtī haiñ kalī muñh-band sī

aur jab tantī haiñ kis darja bhalī dil-band sī

ik taraf vo surḳh mish.al haath meñ le kar chale

kuchh hasīñ kuchh nāznīñ kuchh sarv-qad kuchh sīm-tan

jaise kuchh phūloñ ke nāzuk narm-rau lashkar chale

narm-raftārī meñ dajla ke tamavvuj kī phaban

jaise sahrāoñ ke aahū mahv-e-gul-gasht-e-chaman

ye hasīñ āhū-qadam āhū-nafas āhū-mizāj

le rahe haiñ nau-javānan-e-qabīla se ḳhirāj

jalva-pairā jalva-sāmāñ kitne dilkash māhtāb

kitne afsānoñ ke paikar kitne rañg-o-bū ke ḳhvāb

vo jabīnoñ ke araq meñ jaise sho.aloñ ke sarāb

jaise sandal meñ sharāroñ ke tabassum mahv-e-ḳhvāb

sho.ala-afshāñ kākuloñ meñ surḳh phūloñ ke charāġh

jaise tārīkī meñ mil jaa.eñ ujāle ke surāġh

ārizoñ kī chāñdnī phailī huī sī har taraf

har taraf hai ek tarkash ek aahū har qadam

kar rahe haiñ raqs daf par mahvishān-e-jalva-tāb

har taraf bikhre hue haiñ vādi-e-dajla ke ḳhvāb

kuchh kañval kuchh nastaran kuchh sumbulistāñ kuchh gulāb

ye adaen raqs ke hangam kitni raqs-KHez

wo jawanan-e-qabila hosh se bahar chale

kakulon ke sumbulistan aarizon par aks-rez

jaise sahil ka nazara aab-e-dariya par chale

ek tassur hai ki raqsan ho raha hai har taraf

shamen raushan hain charaghan ho raha hai har taraf

aag ke atraf raushan jaise ek fanus-e-raqs

raqs karti laDkiyan kuchh aag ke atraf yun

jaise sath-e-ab par mahtab ke haale ka aks

jis ko jhule mein jhulaen mauj-ha-e-simgun

mil ke jab jhukti hain lagti hain kali munh-band si

aur jab tanti hain kis darja bhali dil-band si

ek taraf wo surKH mishal hath mein le kar chale

kuchh hasin kuchh naznin kuchh sarw-qad kuchh sim-tan

jaise kuchh phulon ke nazuk narm-rau lashkar chale

narm-raftari mein dajla ke tamawwuj ki phaban

jaise sahraon ke aahu mahw-e-gul-gasht-e-chaman

ye hasin aahu-qadam aahu-nafas aahu-mizaj

le rahe hain nau-jawanan-e-qabila se KHiraj

jalwa-paira jalwa-saman kitne dilkash mahtab

kitne afsanon ke paikar kitne rang-o-bu ke KHwab

wo jabinon ke araq mein jaise shoalon ke sarab

jaise sandal mein shararon ke tabassum mahw-e-KHwab

shoala-afshan kakulon mein surKH phulon ke charagh

jaise tariki mein mil jaen ujale ke suragh

aarizon ki chandni phaili hui si har taraf

har taraf hai ek tarkash ek aahu har qadam

kar rahe hain raqs daf par mahwishan-e-jalwa-tab

har taraf bikhre hue hain wadi-e-dajla ke KHwab

kuchh kanwal kuchh nastaran kuchh sumbulistan kuchh gulab