daraKHton ke liye

ai daraḳhto! tumheñ jab kaaT diyā jā.egā

aur tum suukh ke lakḌī meñ badal jāoge

aise aalam meñ bahut paishkasheñ hoñgī tumheñ

tum magar apnī rivāyat se na phirnā hargiz

shaah kī kursī meñ Dhalne se kahīñ behtar hai

kisī fōt-pāth ke hotel kā vo TuuTā huā taḳhta banñā

maile kapḌoñ meñ sahī log mohabbat se jahāñ baiThte haiñ

kisī bandūq kā dasta bhī nahīñ honā tumheñ

chāqū chhuriyoñ ko bhī ḳhidmāt na apnī denā

aise darvāze kī chaukhaT bhī na banñā hargiz

jo mohabbat-bharī dastak pe kabhī khul na sake

ai daraḳhto! tumheñ jab kaaT diyā jā.egā

aur tum suukh ke lakḌī meñ badal jāoge

koī baisākhī banā.e to sahārā denā

aur kashtī ke liye itnī mohabbat se tum aage baḌhnā

ki samundar kī farāḳhī bhī bahut kam paḌ jaa.e

apne patvār mire bāzuoñ jaise rakhnā

jo kisī aur kī tāqat ke sivā zinda haiñ

merī duniyā ki abhī vāqif-e-ulfat hī nahīñ

mere baazū bhī mohabbat ke sivā zinda haiñ

ai daraKHto! tumhein jab kaT diya jaega

aur tum sukh ke lakDi mein badal jaoge

aise aalam mein bahut paishkashen hongi tumhein

tum magar apni riwayat se na phirna hargiz

shah ki kursi mein Dhalne se kahin behtar hai

kisi foot-path ke hotel ka wo TuTa hua taKHta banna

maile kapDon mein sahi log mohabbat se jahan baiThte hain

kisi banduq ka dasta bhi nahin hona tumhein

chaqu chhuriyon ko bhi KHidmat na apni dena

aise darwaze ki chaukhaT bhi na banna hargiz

jo mohabbat-bhari dastak pe kabhi khul na sake

ai daraKHto! tumhein jab kaT diya jaega

aur tum sukh ke lakDi mein badal jaoge

koi baisakhi banae to sahaara dena

aur kashti ke liye itni mohabbat se tum aage baDhna

ki samundar ki faraKHi bhi bahut kam paD jae

apne patwar mere bazuon jaise rakhna

jo kisi aur ki taqat ke siwa zinda hain

meri duniya ki abhi waqif-e-ulfat hi nahin

mere bazu bhi mohabbat ke siwa zinda hain