dard ka nam pata mat puchho

dard kā naam pata mat pūchho

dard ik ḳhema-e-aflāk

is iqlīm pe hai saaya kunāñ

tum ise qutub shumālī kah lo

tum jidhar aañkh uThā kar dekho

barf hī barf hai

aur raat hī raat

ham vo maujūd ki jin meñ shāyad

zindagī banñe ke āsār abhī baaqī the

hashrāt aise ki jin ko shāyad

raushnī aur harārat kī zarūrat thī abhī

is andhere meñ kaho barf pe reñgeñ kaise

koī batlāo ki is raat ke āzār se nikleñ kaise

raat aisī ki jo Dhaltī hī nahīñ

barf aisī ki pighaltī hī nahīñ

dard ka nam pata mat puchho

dard ek KHema-e-aflak

is iqlim pe hai saya kunan

tum ise qutub shumali kah lo

tum jidhar aankh uTha kar dekho

barf hi barf hai

aur raat hi raat

hum wo maujud ki jin mein shayad

zindagi banne ke aasar abhi baqi the

hashraat aise ki jin ko shayad

raushni aur hararat ki zarurat thi abhi

is andhere mein kaho barf pe rengen kaise

koi batlao ki is raat ke aazar se niklen kaise

raat aisi ki jo Dhalti hi nahin

barf aisi ki pighalti hi nahin