dard ki aawaz

uḌtī desh meñ gard nahīñ hai

tumheñ zarā bhī dard nahīñ hai

desh hai apnā mānte ho nā

dukh jitne haiñ jānte ho nā

peḌ hai ek par Dāleñ bahut haiñ

Dāloñ par Tahniyāñ bahut haiñ

patte haiñ rozāna ugte

piile lekin girte rahte

tum ho maalī nazar kahāñ hai

chaman kī socho dhyān kahāñ hai

kyā tum se har fard nahīñ hai

tumheñ zarā bhī dard nahīñ hai

chunā tumheñ hai kaheñge qisse

desh dikhe jab hisse hisse

log pareshāñ aag zanī hai

aur vichāroñ meñ bhī Thanī hai

nazreñ churā kar yuuñ nā baiTho

aage aa kar chakr to pheñko

tum chup ho sab bol rahe haiñ

pañkh vo apne tol rahe haiñ

kahe na koī mard nahīñ hai

tumheñ zarā bhī dard nahīñ hai

baḌe bhaa.ī ho sabaq to sīkho

chāroñ or haiñ chhoTe dekho

laḌ laḌ kar barbād haiñ saare

kāTnā mārnā dharm banā re

vahāñ masjidoñ meñ bam phaTte

dharm hai ek vo phir bhī laḌte

chale the faḳhr se sar ūñchā thā

gaḌhe the haa.el kab dekhā thā

aaj hue kyā dekh rahe ho

chakkar gidh ke dekh rahe ho

are kyuuñ chehra zard nahīñ hai

tumheñ zarā bhī dard nahīñ hai

hosh meñ aao vaqt abhī hai

rahbar ho aur samay yahī hai

jiit chunāv fikr sahī hai

par ho kyā gar desh nahīñ hai

duur dekhnā jurm kahāñ hai

sīkhne meñ koī sharm kahāñ hai

baḌe ho gar to ban ke dikhāo

kahāñ hai shafqat le kar aao

dharm kabhī bedard nahīñ hai

tumheñ zarā bhī dard nahīñ hai

aaj nahīñ to kal samjhoge

luT jāoge tab samjhoge

pyaar se baḌh kar astr nahīñ kuchh

ghaTiyā jhuuT se vastr nahīñ kuchh

boyā jo hai vahī kāTo.ge

phir un ke talve chāToge

hāthoñ meñ kashkol raheñge

gale meñ apne Dhol raheñge

phir sar ūñchā karte rahnā

ban jaanā phir desh kā gahna

jaago havā abhī sard nahīñ hai

tumheñ zarā bhī dard nahīñ hai

uDti desh mein gard nahin hai

tumhein zara bhi dard nahin hai

desh hai apna mante ho na

dukh jitne hain jaante ho na

peD hai ek par Dalen bahut hain

Dalon par Tahniyan bahut hain

patte hain rozana ugte

pile lekin girte rahte

tum ho mali nazar kahan hai

chaman ki socho dhyan kahan hai

kya tum se har fard nahin hai

tumhein zara bhi dard nahin hai

chuna tumhein hai kahenge qisse

desh dikhe jab hisse hisse

log pareshan aag zani hai

aur wichaaron mein bhi Thani hai

nazren chura kar yun na baiTho

aage aa kar chakr to phenko

tum chup ho sab bol rahe hain

pankh wo apne tol rahe hain

kahe na koi mard nahin hai

tumhein zara bhi dard nahin hai

baDe bhai ho sabaq to sikho

chaaron or hain chhoTe dekho

laD laD kar barbaad hain sare

kaTna marna dharm bana re

wahan masjidon mein bam phaTte

dharm hai ek wo phir bhi laDte

chale the faKHr se sar uncha tha

gaDhe the hael kab dekha tha

aaj hue kya dekh rahe ho

chakkar gidh ke dekh rahe ho

are kyun chehra zard nahin hai

tumhein zara bhi dard nahin hai

hosh mein aao waqt abhi hai

rahbar ho aur samay yahi hai

jit chunaw fikr sahi hai

par ho kya gar desh nahin hai

dur dekhna jurm kahan hai

sikhne mein koi sharm kahan hai

baDe ho gar to ban ke dikhao

kahan hai shafqat le kar aao

dharm kabhi bedard nahin hai

tumhein zara bhi dard nahin hai

aaj nahin to kal samjhoge

luT jaoge tab samjhoge

pyar se baDh kar astr nahin kuchh

ghaTiya jhuT se wastr nahin kuchh

boya jo hai wahi kaToge

phir un ke talwe chaToge

hathon mein kashkol rahenge

gale mein apne Dhol rahenge

phir sar uncha karte rahna

ban jaana phir desh ka gahna

jago hawa abhi sard nahin hai

tumhein zara bhi dard nahin hai