dastaras

ubhartī hai mire māthe kī silvaT meñ

shikan dhāge ke khiñchne kī

udheḌe jā rahī huuñ

maiñ bhī din-bhar se

mujhe jab yaad aatā hai

ki maiñ kitnā ulajhtī thī

mirī naanī har ik kapḌe ko

chāhe vo nayā hī kyuuñ na ho

ik baar kam se kam

na jab tak apne hāthoñ se udheḌeñ

aur sī leñ

tab talak un ko sukūñ aatā na thā

maiñ aksar sochtī thī

naqs kyā hotā hai āḳhir

har na.e joḌe ke silne meñ

bhalā dhāge ke pīchhe chhup ke āḳhir

kaun se aise masā.il haiñ

jinheñ maiñ phir udheḌe jā rahī huuñ

aur apne haath se phir se silā.ī kar ke

apne taur apne Dhab se

is kapḌe meñ

kaise rañg bhartī jā rahī huuñ

is tarah kuchh pal safar to

merī apnī zaat ke hamrāh tai paayā

mujhe us pal meñ ḳhud meñ

merī maañ naanī mirī daadī

har ik chehra nazar aayā

ubharti hai mere mathe ki silwaT mein

shikan dhage ke khinchne ki

udheDe ja rahi hun

main bhi din-bhar se

mujhe jab yaad aata hai

ki main kitna ulajhti thi

meri nani har ek kapDe ko

chahe wo naya hi kyun na ho

ek bar kam se kam

na jab tak apne hathon se udheDen

aur si len

tab talak un ko sukun aata na tha

main aksar sochti thi

naqs kya hota hai aaKHir

har nae joDe ke silne mein

bhala dhage ke pichhe chhup ke aaKHir

kaun se aise masail hain

jinhen main phir udheDe ja rahi hun

aur apne hath se phir se silai kar ke

apne taur apne Dhab se

is kapDe mein

kaise rang bharti ja rahi hun

is tarah kuchh pal safar to

meri apni zat ke hamrah tai paya

mujhe us pal mein KHud mein

meri man nani meri dadi

har ek chehra nazar aaya