depression

ḳhauf ke jazīre meñ.. qaid huuñ maiñ barsoñ se

duur tak fasīleñ haiñ

aur un pe lohe kī ūñchī ūñchī bāḌeñ haiñ,

nok-dār kīleñ haiñ

Dāltā kamandeñ huuñ... jail ke kināroñ par...

ḳhār-dār tāroñ par

sīTiyāñ sī bajtī haiñ der tak samā.at meñ

pahre-dār aate haiñ

beḌiyāñ sī sajtī haiñ

paañv ko uThānā, bhī haath ko hilānā bhī

jism bhuul jaatā hai

jurm bhī nahīñ ma.alūm, umr bhī nahīñ ma.alūm

kuchh patā nahīñ mujh ko... us taraf fasīloñ ke

kis qadar samundar hai

kashtiyāñ bhī chaltī haiñ, bādbāñ bhī khulte haiñ

nuur ke jahāñ bhī haiñ, jism ke makāñ bhī haiñ,

aadmī vahāñ bhī haiñ

chhoḌiye, nahīñ jaate

kyā kareñge bāhar bhii...

Thiik hai fasīloñ meñ

āñsuoñ kī jhīloñ meñ chāñd ko utāreñge

be-hisī ke Tīloñ par naqsh-e-pā ubhāreñge

maut ke glamour meñ Duub Duub jā.eñge

qabr ke añdhere se raat ko sajā.eñge

maut kā fasurda-pan kitnā ḳhūbsūrat hai

ik jahāñ udāsī kā bas mirī zarūrat hai!

KHauf ke jazire mein qaid hun main barson se

dur tak fasilen hain

aur un pe lohe ki unchi unchi baDen hain,

nok-dar kilen hain

Dalta kamanden hun jail ke kinaron par

KHar-dar taron par

siTiyan si bajti hain der tak samaat mein

pahre-dar aate hain

beDiyan si sajti hain

panw ko uThana, bhi hath ko hilana bhi

jism bhul jata hai

jurm bhi nahin malum, umr bhi nahin malum

kuchh pata nahin mujh ko us taraf fasilon ke

kis qadar samundar hai

kashtiyan bhi chalti hain, baadban bhi khulte hain

nur ke jahan bhi hain, jism ke makan bhi hain,

aadmi wahan bhi hain

chhoDiye, nahin jate

kya karenge bahar bhi

Thik hai fasilon mein

aansuon ki jhilon mein chand ko utarenge

be-hisi ke Tilon par naqsh-e-pa ubhaarenge

maut ke glamour mein Dub Dub jaenge

qabr ke andhere se raat ko sajaenge

maut ka fasurda-pan kitna KHubsurat hai

ek jahan udasi ka bas meri zarurat hai!