der ho gai

ālam-panāh

ḳhair se bedār ho ga.e

ālam-panāh!....

ḳhair.....

kahāñ aap chal diye

raste tamām band hue

der ho ga.ī

aur kaisī dopahar meñ

ghanī raat ho ga.ī

fānūs

jhaaḌ

qumqume raushan nahīñ hue

aur tāqchoñ meñ baaqī nahīñ koī bhī charāġh

aur begamāt hujre se bāhar nikal paḌīñ

aur shāhzādiyoñ ke saroñ par nahīñ ridā

ye rañg-o-rūp

ye qad-o-qāmat

ye chashm o gosh

kyā rāste meñ farsh bichhāne ko koī hai

koī kanīz koī bhī ḳhādim nahīñ rahā?

shīrīni-e-latāfat-o-ārā.ish-e-hayāt

aur kyā hue vo nāz-o-nazākat ke shāhkār

dīvār par hai āyat-ul-kursī kā chaukhaTā

juzdān o jā-namāz masahrī ke paas hai

āñhkeñ uThā ke dekhne vaalā koī nahīñ

pahnā.e aa ke aap ko pā-posh kaun ab

masnad-nashīñ jo aap hoñ ye vaqt vo nahīñ

ye vaqt hai ajiib

ki mushkil baḌī hai ye

sho.arā

musāhibīn

asā-dā o ḳhāsa-dār

mīr-e-sipah

ġhulām bhī baaqī nahīñ rahe

jo jañg hone vaalī thī āġhāz ho chukī

jo raat Dhalne vaalī thī

kab kī vo Dhal chukī

shāhī-mahal ke paar to duniyā badal ga.ī

aur asp-e-shāh-gām to sab jaaT le ga.e

ālam-panāh

shahr to barbād gayā

aalam-panah

KHair se bedar ho gae

aalam-panah!

KHair

kahan aap chal diye

raste tamam band hue

der ho gai

aur kaisi dopahar mein

ghani raat ho gai

fanus

jhaD

qumqume raushan nahin hue

aur taqchon mein baqi nahin koi bhi charagh

aur begamat hujre se bahar nikal paDin

aur shahzadiyon ke saron par nahin rida

ye rang-o-rup

ye qad-o-qamat

ye chashm o gosh

kya raste mein farsh bichhane ko koi hai

koi kaniz koi bhi KHadim nahin raha?

shirini-e-latafat-o-araish-e-hayat

aur kya hue wo naz-o-nazakat ke shahkar

diwar par hai aayat-ul-kursi ka chaukhaTa

juzdan o ja-namaz masahri ke pas hai

aanhken uTha ke dekhne wala koi nahin

pahnae aa ke aap ko pa-posh kaun ab

masnad-nashin jo aap hon ye waqt wo nahin

ye waqt hai ajib

ki mushkil baDi hai ye

shoara

musahibin

asa-da o KHasa-dar

mir-e-sipah

ghulam bhi baqi nahin rahe

jo jang hone wali thi aaghaz ho chuki

jo raat Dhalne wali thi

kab ki wo Dhal chuki

shahi-mahal ke par to duniya badal gai

aur asp-e-shah-gam to sab jaT le gae

aalam-panah

shahr to barbaad gaya