Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

east india company ke farzandon se KHitab

Josh Malihabadi

east india company ke farzandon se KHitab

Josh Malihabadi

MORE BYJosh Malihabadi

    kis zabāñ se kah rahe ho aaj tum saudāgaro

    dahr meñ insāniyat ke naam ko ūñchā karo

    jis ko sab kahte haiñ hitler bheḌiyā hai bheḌiyā

    bheḌiye ko maar do golī pa.e-amn-o-baqā

    bāġh-e-insānī meñ chalne pe hai bād-e-ḳhizāñ

    ādamiyyat le rahī hai hichkiyoñ par hichkiyāñ

    haath hai hitler raḳhsh-e-ḳhud-sarī baag par

    teġh paanī chhiḌak do germany aag par

    saḳht hairāñ huuñ ki mahfil meñ tumhārī aur ye zikr

    nau-e-insānī ke mustaqbil ab karte ho fikr

    jab yahāñ aa.e the tum saudāgarī ke vāste

    nau-e-insānī ke mustaqbil se kiyā vāqif na the

    hindiyoñ ke jism meñ kyā rūh-e-āzādī na thī

    sach batāo kyā vo insānoñ ābādī na thī

    apne zulm-e-be-nihāyat fasāna yaad hai

    company phir vo daur-e-mujrimāna yaad hai

    lūTte phirte the jab tum kārvāñ-dar-kārvāñ

    sar-barahna phir rahī thī daulat-e-hindostāñ

    dast-kāroñ ke añgūThe kāTte phirte the tum

    sard lāshoñ se gaḌhoñ ko pāTte phirte the tum

    san.at-e-hindostāñ par maut thī chhā.ī huī

    maut bhī kaisī tumhāre haat laa.ī huī

    allāh allāh kis qadar insāf ke tālib ho aaj

    mīr-ja.afar qasam kyā dushman-e-haq thā 'sirāj'

    kyā avadh begamoñ bhī satānā yaad hai

    yaad hai jhāñsī raanī zamāna yaad hai

    hijrat-e-sultān-e-dehlī samāñ bhī yaad hai

    sher-dil 'Tīpū' ḳhūnīñ dāstāñ bhī yaad hai

    tīsare faaqe meñ ik girte hue ko thāmne

    kas ke tum laa.e the sar shāh-e-zafar ke sāmne

    yaad to hogī vo maTiyā-burj bhī dāstāñ

    ab bhī jis ḳhaak se uThtā hai rah rah kar dhuāñ

    tum ne qaisar-e-bāġh ko dekhā to hogā bārhā

    aaj bhī aatī hai jis se haa.e 'aḳhtar' sadā

    sach kaho kyā hāfize meñ hai vo zulm-e-be-panāh

    aaj tak ragōn meñ ik qabr hai jis gavāh

    zehn meñ hogā ye taaza hindiyoñ daaġh bhī

    yaad to hogā tumheñ jallianwala-bagh bhī

    pūchh lo is se tumhārā naam kyuuñ tābinda hai

    'dyer'-e-gurg-e-dahan-ālūd ab bhī zinda hai

    vo 'bhagat-singh' ab bhī jis ke ġham meñ dil nāshād hai

    us gardan meñ jo Daalā thā vo phandā yaad hai

    ahl-e-āzādī rahā karte the kis hanjār se

    pūchh lo ye qaid-ḳhānoñ ke dar-o-dīvār se

    ab bhī hai mahfūz jis par tantana sarkār

    aaj bhī gūñjī huī hai jin meñ koḌoñ sadā

    aaj kashtī amn ke amvāj par khete ho kyuuñ

    saḳht hairāñ huuñ ki ab tum dars-e-haq dete ho kyuuñ

    ahl-e-quvvat dām-e-haq meñ to kabhī aate nahīñ

    ''bankī'' aḳhlāq ko ḳhatre meñ bhī laate nahīñ

    lekin aaj aḳhlāq talqīn farmāte ho tum

    ho na ho apne meñ ab quvvat nahīñ paate ho tum

    ahl-e-haq raushan-nazar haiñ ahl-e-bātin kor haiñ

    ye to haiñ aqvāl un qaumoñ ke jo kamzor haiñ

    aaj shāyad manzil-e-quvvat meñ tum rahte nahīñ

    jis lāThī us bhaiñs ab kis liye kahte nahīñ

    kyā kahā insāf hai insāñ farz-e-avvalīñ

    kyā fasād-o-zulm ab tum meñ kas baaqī nahīñ

    der se baiThe ho naḳhl-e-rāstī chhāñv meñ

    kyā ḳhudā-nā-karda kuchh moch aa ga.ī hai paañv meñ

    guuñj Tāpoñ na ābādī na vīrāne meñ hai

    ḳhair to hai asp-e-tāzī kyā shifā-ḳhāne meñ hai

    aaj kal to har nazar meñ rahm andāz hai

    kuchh tabī.at kyā nasīb-e-dushmanāñ nā-sāz hai

    saañs kyā ukhḌī ki haq ke naam par marne lage

    nau-e-insāñ havā-ḳhvāhī dam bharne lage

    zulm bhūle rāgnī insāf gaane lage

    lag ga.ī hai aag kyā ghar meñ ki chillāne lage

    mujrmoñ ke vāste zebā nahīñ ye shor-o-shain

    kal 'yazīd' o 'shimr' the aur aaj bante ho 'husain'

    ḳhair ai saudāgaro ab hai to bas is baat meñ

    vaqt ke farmān ke aage jhukā do gardaneñ

    ik kahānī vaqt likkhegā na.e mazmūn

    jis surḳhī ko zarūrat hai tumhāre ḳhuun

    vaqt farmān apnā ruḳh badal saktā nahīñ

    maut Tal saktī hai ab farmān Tal saktā nahīñ

    kis zaban se kah rahe ho aaj tum saudagaro

    dahr mein insaniyat ke nam ko uncha karo

    jis ko sab kahte hain hitler bheDiya hai bheDiya

    bheDiye ko mar do goli pae-amn-o-baqa

    bagh-e-insani mein chalne hi pe hai baad-e-KHizan

    aadamiyyat le rahi hai hichkiyon par hichkiyan

    hath hai hitler ka raKHsh-e-KHud-sari ki bag par

    tegh ka pani chhiDak do germany ki aag par

    saKHt hairan hun ki mahfil mein tumhaari aur ye zikr

    nau-e-insani ke mustaqbil ki ab karte ho fikr

    jab yahan aae the tum saudagari ke waste

    nau-e-insani ke mustaqbil se kiya waqif na the

    hindiyon ke jism mein kya ruh-e-azadi na thi

    sach batao kya wo insanon ki aabaadi na thi

    apne zulm-e-be-nihayat ka fasana yaad hai

    company ka phir wo daur-e-mujrimana yaad hai

    luTte phirte the jab tum karwan-dar-karwan

    sar-barahna phir rahi thi daulat-e-hindostan

    dast-karon ke anguThe kaTte phirte the tum

    sard lashon se gaDhon ko paTte phirte the tum

    sanat-e-hindostan par maut thi chhai hui

    maut bhi kaisi tumhaare hat ki lai hui

    allah allah kis qadar insaf ke talib ho aaj

    mir-jafar ki qasam kya dushman-e-haq tha 'siraj'

    kya awadh ki begamon ka bhi satana yaad hai

    yaad hai jhansi ki rani ka zamana yaad hai

    hijrat-e-sultan-e-dehli ka saman bhi yaad hai

    sher-dil 'Tipu' ki KHunin dastan bhi yaad hai

    tisare faqe mein ek girte hue ko thamne

    kas ke tum lae the sar shah-e-zafar ke samne

    yaad to hogi wo maTiya-burj ki bhi dastan

    ab bhi jis ki KHak se uThta hai rah rah kar dhuan

    tum ne qaisar-e-bagh ko dekha to hoga barha

    aaj bhi aati hai jis se hae 'aKHtar' ki sada

    sach kaho kya hafize mein hai wo zulm-e-be-panah

    aaj tak ragoon mein ek qabr hai jis ki gawah

    zehn mein hoga ye taza hindiyon ka dagh bhi

    yaad to hoga tumhein jallianwala-bagh bhi

    puchh lo is se tumhaara nam kyun tabinda hai

    'dyer'-e-gurg-e-dahan-alud ab bhi zinda hai

    wo 'bhagat-singh' ab bhi jis ke gham mein dil nashad hai

    us ki gardan mein jo Dala tha wo phanda yaad hai

    ahl-e-azadi raha karte the kis hanjar se

    puchh lo ye qaid-KHanon ke dar-o-diwar se

    ab bhi hai mahfuz jis par tantana sarkar ka

    aaj bhi gunji hui hai jin mein koDon ki sada

    aaj kashti amn ke amwaj par khete ho kyun

    saKHt hairan hun ki ab tum dars-e-haq dete ho kyun

    ahl-e-quwwat dam-e-haq mein to kabhi aate nahin

    banki aKHlaq ko KHatre mein bhi late nahin

    lekin aaj aKHlaq ki talqin farmate ho tum

    ho na ho apne mein ab quwwat nahin pate ho tum

    ahl-e-haq raushan-nazar hain ahl-e-baatin kor hain

    ye to hain aqwal un qaumon ke jo kamzor hain

    aaj shayad manzil-e-quwwat mein tum rahte nahin

    jis ki laThi us ki bhains ab kis liye kahte nahin

    kya kaha insaf hai insan ka farz-e-awwalin

    kya fasad-o-zulm ka ab tum mein kas baqi nahin

    der se baiThe ho naKHl-e-rasti ki chhanw mein

    kya KHuda-na-karda kuchh moch aa gai hai panw mein

    gunj Tapon ki na aabaadi na virane mein hai

    KHair to hai asp-e-tazi kya shifa-KHane mein hai

    aaj kal to har nazar mein rahm ka andaz hai

    kuchh tabiat kya nasib-e-dushmanan na-saz hai

    sans kya ukhDi ki haq ke nam par marne lage

    nau-e-insan ki hawa-KHwahi ka dam bharne lage

    zulm bhule ragni insaf ki gane lage

    lag gai hai aag kya ghar mein ki chillane lage

    mujrmon ke waste zeba nahin ye shor-o-shain

    kal 'yazid' o 'shimr' the aur aaj bante ho 'husain'

    KHair ai saudagaro ab hai to bas is baat mein

    waqt ke farman ke aage jhuka do gardanen

    ek kahani waqt likkhega nae mazmun ki

    jis ki surKHi ko zarurat hai tumhaare KHun ki

    waqt ka farman apna ruKH badal sakta nahin

    maut Tal sakti hai ab farman Tal sakta nahin

    Source :
    • Book : Urdu Mein Qaumi Shairi Ke Sau Saal (Pg. 351)
    • Author : Ali Jawad Zaidi
    • Publication : Uttar Pradesh Urdu Acadmi (Lucknow) (1982,Editon II 2010)
    • Edition : 1982,Editon II 2010

    Tagged Under

    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now