aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

watan

MORE BYJosh Malihabadi

    ai vatan paak vatan rūh-e-ravān-e-ahrār

    ai ki zarroñ meñ tire bu-e-chaman rañg-e-bahār

    ai ki ḳhvābīda tirī ḳhaak meñ shāhāna vaqār

    ai ki har ḳhaar tirā rū-kash-e-sad-rū-e-nigār

    reze almās ke tere ḳhas-o-ḳhāshāk meñ haiñ

    haDDiyāñ apne buzurgoñ tirī ḳhaak meñ haiñ

    paa.ī ġhunchoñ meñ tire rañg duniyā ham ne

    tere kāñToñ se liyā daras-e-tamannā ham ne

    tere qatroñ se sunī qir.at-e-dariyā ham ne

    tere zarroñ meñ paḌhī āyat-e-sahrā ham ne

    kyā batā.eñ ki tirī bazm meñ kyā kyā dekhā

    ek ā.īñe meñ duniyā tamāsha dekhā

    terī gardan-e-rañgīñ meñ haiñ bāñheñ apnī

    tere ishq meñ haiñ sub.h aa.heñ apnī

    tere husn se raushan haiñ nigāheñ apnī

    kaj huiiñ terī mahfil meñ kulāheñ apnī

    bāñkpan siikh liyā ishq uftādoñ se

    dil lagāyā bhī to tere parī-zādoñ se

    pahle jis chiiz ko dekhā vo fazā terī thī

    pahle jo kaan meñ aa.ī vo sadā terī thī

    pālnā jis ne hilāyā vo havā terī thī

    jis ne gahvāre meñ chūmā vo sabā terī thī

    avvalīñ raqs havā mast ghaTā.eñ terī

    bhīgī haiñ apnī maseñ āb-o-havā meñ terī

    ai vatan aaj se kyā ham tire shaidā.ī haiñ

    aañkh jis din se khulī tere tamannā.ī haiñ

    muddatoñ se tire jalvoñ ke tamāshā.ī haiñ

    ham to bachpan se tire āshiq-o-saudā.ī haiñ

    bhaa.ī tiflī se har ik aan jahāñ meñ terī

    baat tutlā ke jo bhī to zabāñ meñ terī

    husn tere manāzir ne dikhāyā ham ko

    terī sub.h ke naġhmoñ ne jagāyā ham ko

    tere abr ne jhūloñ meñ jhulāyā ham ko

    tere phūloñ ne nau-shāh banāyā ham ko

    ḳhanda-e-gul ḳhabar terī zabānī aa.ī

    tere bāġhoñ meñ havā khā ke javānī aa.ī

    tujh se muñh moḌ ke muñh apnā dikhā.eñge kahāñ

    ghar jo chhoḌeñge to phir chhāvnī chhā.eñge kahāñ

    bazm-e-aġhyār meñ ārām ye pā.eñge kahāñ

    tujh se ham ruuTh ke jaa.eñ bhī to jā.eñge kahāñ

    tere hāthoñ meñ hai qismat navishta apnā

    kis qadar tujh se bhī mazbūt hai rishta apnā

    ai vatan josh hai phir quvvat-e-īmānī meñ

    ḳhauf kyā dil ko safīna hai jo tuġhyānī meñ

    dil se masrūf haiñ har tarah qurbānī meñ

    mahv haiñ jo tirī kashtī nigahbānī meñ

    ġharq karne ko jo kahte haiñ zamāne vaale

    muskurāte haiñ tirī naav chalāne vaale

    ham zamīñ ko tirī nāpāk na hone deñge

    tere dāman ko kabhī chaak na hone deñge

    tujh ko jiite haiñ to ġhamnāk na hone deñge

    aisī iksīr ko yuuñ ḳhaak na hone deñge

    meñ Thānī hai yahī se guzar jā.eñge

    kam se kam va.ada ye karte haiñ ki mar jā.eñge

    ai watan pak watan ruh-e-rawan-e-ahrar

    ai ki zarron mein tere bu-e-chaman rang-e-bahaar

    ai ki KHwabida teri KHak mein shahana waqar

    ai ki har KHar tera ru-kash-e-sad-ru-e-nigar

    reze almas ke tere KHas-o-KHashak mein hain

    haDDiyan apne buzurgon ki teri KHak mein hain

    pai ghunchon mein tere rang ki duniya hum ne

    tere kanTon se liya daras-e-tamanna hum ne

    tere qatron se suni qirat-e-dariya hum ne

    tere zarron mein paDhi aayat-e-sahra hum ne

    kya bataen ki teri bazm mein kya kya dekha

    ek aaine mein duniya ka tamasha dekha

    teri hi gardan-e-rangin mein hain banhen apni

    tere hi ishq mein hain subh ki aahen apni

    tere hi husn se raushan hain nigahen apni

    kaj huin teri hi mahfil mein kulahen apni

    bankpan sikh liya ishq ki uftadon se

    dil lagaya bhi to tere hi pari-zadon se

    pahle jis chiz ko dekha wo faza teri thi

    pahle jo kan mein aai wo sada teri thi

    palna jis ne hilaya wo hawa teri thi

    jis ne gahware mein chuma wo saba teri thi

    awwalin raqs hawa mast ghaTaen teri

    bhigi hain apni masen aab-o-hawa mein teri

    ai watan aaj se kya hum tere shaidai hain

    aankh jis din se khuli tere tamannai hain

    muddaton se tere jalwon ke tamashai hain

    hum to bachpan se tere aashiq-o-saudai hain

    bhai tifli se har ek aan jahan mein teri

    baat tutla ke jo ki bhi to zaban mein teri

    husn tere hi manazir ne dikhaya hum ko

    teri hi subh ke naghmon ne jagaya hum ko

    tere hi abr ne jhulon mein jhulaya hum ko

    tere hi phulon ne nau-shah banaya hum ko

    KHanda-e-gul ki KHabar teri zabani aai

    tere baghon mein hawa kha ke jawani aai

    tujh se munh moD ke munh apna dikhaenge kahan

    ghar jo chhoDenge to phir chhawni chhaenge kahan

    bazm-e-aghyar mein aaram ye paenge kahan

    tujh se hum ruTh ke jaen bhi to jaenge kahan

    tere hathon mein hai qismat ka nawishta apna

    kis qadar tujh se bhi mazbut hai rishta apna

    ai watan josh hai phir quwwat-e-imani mein

    KHauf kya dil ko safina hai jo tughyani mein

    dil se masruf hain har tarah ki qurbani mein

    mahw hain jo teri kashti ki nigahbani mein

    gharq karne ko jo kahte hain zamane wale

    muskuraate hain teri naw chalane wale

    hum zamin ko teri napak na hone denge

    tere daman ko kabhi chaak na hone denge

    tujh ko jite hain to ghamnak na hone denge

    aisi iksir ko yun KHak na hone denge

    ji mein Thani hai yahi ji se guzar jaenge

    kam se kam wada ye karte hain ki mar jaenge

    Source:

    Hamari Qaumi Shaeri (Pg. 558)

    • Author: Ali Jawad Zaidi
      • Edition: 1998
      • Publisher: Uttar Pradesh Urdu Acadmi (Lucknow)
      • Year of Publication: 1998

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now