diwali

nuur ke chashme 'ināyat kar diye zulmāt ne

zindagī kī ek ik kulfat miTāne ke liye

sirf pal-bhar ko ġham-e-jānāñ bhulāne ke liye

har baras aatī hai dīvālī 'ajab andāz se

lakshmī kā ho rahā hai phir se istiqbāl aaj

sāf-suthrī duudh se dhoī har ik dīvār hai

konā konā gosha gosha matla’-e-anvār hai

ho ga.e afsurda chehre bhī ḳhushī se laal aaj

ham tavajjoh dil kī duniyā kī taraf dete nahīñ

pyaar ke do bol mīThe bolnā chāheñ to kyoñ

dūsroñ ke ġham kī ḳhātir ham bhareñ aa.heñ to kyoñ

ham charāġhoñ se kabhī ik dars bhī lete nahīñ

dhan ke matvāle haiñ ham hirs-o-havas meñ chuur haiñ

asl meñ apnī haqīqat hī se kosoñ duur haiñ

nur ke chashme 'inayat kar diye zulmat ne

zindagi ki ek ek kulfat miTane ke liye

sirf pal-bhar ko gham-e-jaanan bhulane ke liye

har baras aati hai diwali 'ajab andaz se

lakshmi ka ho raha hai phir se istiqbaal aaj

saf-suthri dudh se dhoi har ek diwar hai

kona kona gosha gosha matla’-e-anwar hai

ho gae afsurda chehre bhi KHushi se lal aaj

hum tawajjoh dil ki duniya ki taraf dete nahin

pyar ke do bol miThe bolna chahen to kyon

dusron ke gham ki KHatir hum bharen aahen to kyon

hum charaghon se kabhi ek dars bhi lete nahin

dhan ke matwale hain hum hirs-o-hawas mein chur hain

asl mein apni haqiqat hi se koson dur hain