dil

dil vo sahrā thā

ki jis sahrā meñ

hasrateñ

ret ke Tīloñ kī tarah rahtī thiiñ

jab havādis kī havā

un ko miTāne ke liye

chaltī thī

yahāñ miTtī thiiñ

kahīñ aur ubhar aatī thiiñ

shakl khote hī

na.ī shakl meñ Dhal jaatī thiiñ

dil ke sahrā pe magar ab kī baar

sāneha guzrā kuchh aisā

ki sunā.e na bane

āñdhī vo aa.ī ki saare Tiile

aise bikhre

ki kahīñ aur ubhar hī na sake

yuuñ miTe haiñ

ki kahīñ aur banā.e na bane

ab kahīñ

Tiile nahīñ

ret nahīñ

ret kā zarra nahīñ

dil meñ ab kuchh nahīñ

dil ko sahrā bhī agar kahiye

to kaise kahiye

dil wo sahra tha

ki jis sahra mein

hasraten

ret ke Tilon ki tarah rahti thin

jab hawadis ki hawa

un ko miTane ke liye

chalti thi

yahan miTti thin

kahin aur ubhar aati thin

shakl khote hi

nai shakl mein Dhal jati thin

dil ke sahra pe magar ab ki bar

saneha guzra kuchh aisa

ki sunae na bane

aandhi wo aai ki sare Tile

aise bikhre

ki kahin aur ubhar hi na sake

yun miTe hain

ki kahin aur banae na bane

ab kahin

Tile nahin

ret nahin

ret ka zarra nahin

dil mein ab kuchh nahin

dil ko sahra bhi agar kahiye

to kaise kahiye