dildar dekhna

tūfāñ ba-dil hai har koī dildār dekhnā

gul ho na jaa.e mish.al-e-ruḳhsār dekhnā

ātish ba-jāñ hai har koī sarkār dekhnā

lau de uThe na turra-e-tarrār dekhnā

jazb-e-musāfirān-e-rah-e-yār dekhnā

sar dekhnā, na sañg, na dīvār dekhnā

kū-e-jafā meñ qaht-e-ḳharīdār dekhnā

ham aa ga.e to garmi-e-bāzār dekhnā

us dil-navāz shahr ke atvār dekhnā

be iltifāt bolnā, bezār dekhnā

ḳhālī haiñ garche masnad o mimbar, nigūñ hai ḳhalq

ro.ab-e-qabā o haibat-e-dastār dekhnā

jab tak nasīb thā tirā dīdār dekhnā

jis samt dekhnā, gul-o-gulzār dekhnā

phir ham tamīz-e-roz-o-mah-o-sāl kar sakeñ

ai yād-e-yār phir idhar ik baar dekhnā

tufan ba-dil hai har koi dildar dekhna

gul ho na jae mishal-e-ruKHsar dekhna

aatish ba-jaan hai har koi sarkar dekhna

lau de uThe na turra-e-tarrar dekhna

jazb-e-musafiran-e-rah-e-yar dekhna

sar dekhna, na sang, na diwar dekhna

ku-e-jafa mein qaht-e-KHaridar dekhna

hum aa gae to garmi-e-bazar dekhna

us dil-nawaz shahr ke atwar dekhna

be iltifat bolna, bezar dekhna

KHali hain garche masnad o mimbar, nigun hai KHalq

roab-e-qaba o haibat-e-dastar dekhna

jab tak nasib tha tera didar dekhna

jis samt dekhna, gul-o-gulzar dekhna

phir hum tamiz-e-roz-o-mah-o-sal kar saken

ai yaad-e-yar phir idhar ek bar dekhna