dilli dangon ke beach

dharm ke naam pe qātil kī himāyat karnā

aur phir mulk ke jalne kī shikāyat karnā

kitnā āsān hai hindū-o-musalmāñ honā

sirf mushkil hai kisī shaḳhs kā insāñ honā

zulm kī dhūp-o-imkāñ bhī nahīñ chhāñv kā

ek sā haal hai ab gaañv kā sahrāoñ kā

aise hālāt meñ āñkhoñ meñ lahū ko laao

naġhma-e-ishq ko sab zor se gaao gaao

koī bhī daaġh na nafrat kā jabīñ par aa.e

bādshāh bahrā hai ab zor se chīḳhā jaa.e

dharm ke nam pe qatil ki himayat karna

aur phir mulk ke jalne ki shikayat karna

kitna aasan hai hindu-o-musalman hona

sirf mushkil hai kisi shaKHs ka insan hona

zulm ki dhup-o-imkan bhi nahin chhanw ka

ek sa haal hai ab ganw ka sahraon ka

aise haalat mein aankhon mein lahu ko lao

naghma-e-ishq ko sab zor se gao gao

koi bhi dagh na nafrat ka jabin par aae

baadshah bahra hai ab zor se chiKHa jae