dimagh le lo

dimāġh le lo dimāġh le lo

baḌī hī mehnat se parvarish kī hai sālahā saal lag chuke haiñ

dimāġh ko ilm-o-fan diyā aur

zehn ko pākīzgī atā kī

samajhnā aur sochnā sikhāyā

shu.ūr baḳhshā dimāġh ko āgahī atā kī

hisāb jaane kitāb jaane

paḌhā likhā hai

dimāġh ke paas tajraba hai

dimāġh le lo

suno suno aap ke ye uljhe hue masā.il ko hal karegā

mirā ye da.avā hai aap kī zindagī nihāyat sahal karegā

zarā zarā kar ke sub.h se shaam tak maiñ kitnoñ ko bech aayā dimāġh apnā

mirā pasīna thā jis kā īñdhan vo sho.ala sho.ala charāġh apnā

ye raat kā kaun sā pahar hai

maiñ rāsta bhūlne lagā huuñ

ye saal kā āḳhirī hai mausam

maiñ ThanD se kapkapā rahā huuñ

dimagh le lo dimagh le lo

baDi hi mehnat se parwarish ki hai salaha sal lag chuke hain

dimagh ko ilm-o-fan diya aur

zehn ko pakizgi ata ki

samajhna aur sochna sikhaya

shuur baKHsha dimagh ko aagahi ata ki

hisab jaane kitab jaane

paDha likha hai

dimagh ke pas tajraba hai

dimagh le lo

suno suno aap ke ye uljhe hue masail ko hal karega

mera ye dawa hai aap ki zindagi nihayat sahal karega

zara zara kar ke subh se sham tak main kitnon ko bech aaya dimagh apna

mera pasina tha jis ka indhan wo shoala shoala charagh apna

ye raat ka kaun sa pahar hai

main rasta bhulne laga hun

ye sal ka aaKHiri hai mausam

main ThanD se kapkapa raha hun