diwali

dosto kyā kyā divālī meñ nashāt-o-aish hai

sab muhayyā hai jo is hañgām ke shāyān hai

is tarah haiñ kūcha-o-bāzār par naqsh-o-nigār

ho ayaañ husn-e-nigārisatāñ kī jin se ḳhuub re

garm-joshī apnī bā-jām-e-charāġhāñ lutf se

kyā hī raushan kar rahī hai har taraf roġhan kī mai

mā.il-e-sair-e-charāġhāñ naḳhl har jā dam-ba-dam

hāsil-e-nazzārā husn-e-sham-e-rūyāñ pai-ba-pai

āshiqāñ kahte haiñ māshūqoñ se bā-ijz-o-niyāz

hai agar manzūr kuchh lenā to hāzir haiñ ruupe

gar mukarrar arz karte haiñ to kahte haiñ vo shoḳh

ham se lete ho miyāñ takrār-o-hujjat tā-ba-kai

kahte haiñ ahl-e-qimār aap meñ garm iḳhtilāt

ham to Dab meñ sau rupe rakhte haiñ tum rakhte ho kai

jiit kā paḌtā hai jis kā dānoñ vo kahtā hai yuuñ

sū-e-dast-e-rāst hai mere koī farḳhanda-pai

hai dasahre meñ bhī yuuñ go farhat-o-zīnat 'nazīr'

par dīvālī bhī ajab pākīza-tar tyauhār hai

dosto kya kya diwali mein nashat-o-aish hai

sab muhayya hai jo is hangam ke shayan hai

is tarah hain kucha-o-bazar par naqsh-o-nigar

ho ayan husn-e-nigarisatan ki jin se KHub re

garm-joshi apni ba-jam-e-charaghan lutf se

kya hi raushan kar rahi hai har taraf roghan ki mai

mail-e-sair-e-charaghan naKHl har ja dam-ba-dam

hasil-e-nazzara husn-e-sham-e-ruyan pai-ba-pai

aashiqan kahte hain mashuqon se ba-ijz-o-niyaz

hai agar manzur kuchh lena to hazir hain rupe

gar mukarrar arz karte hain to kahte hain wo shoKH

hum se lete ho miyan takrar-o-hujjat ta-ba-kai

kahte hain ahl-e-qimar aap mein garm iKHtilat

hum to Dab mein sau rupe rakhte hain tum rakhte ho kai

jit ka paDta hai jis ka danon wo kahta hai yun

su-e-dast-e-rast hai mere koi farKHanda-pai

hai dasahre mein bhi yun go farhat-o-zinat 'nazir'

par diwali bhi ajab pakiza-tar tyauhaar hai