Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

do ishq

Faiz Ahmad Faiz

do ishq

Faiz Ahmad Faiz

MORE BYFaiz Ahmad Faiz

    (1)

    taaza haiñ abhī yaad meñ ai sāqī-e-gulfām

    vo aks-e-ruḳh-e-yār se lahke hue ayyām

    vo phuul khultī huī dīdār saa.at

    vo dil dhaḌaktā huā ummīd hañgām

    ummīd ki lau jaagā ġham-e-dil nasība

    lo shauq tarsī huī shab ho ga.ī āḳhir

    lo Duub ga.e dard ke be-ḳhvāb sitāre

    ab chamkegā be-sabr nigāhoñ muqaddar

    is baam se niklegā tire husn ḳhurshīd

    is kunj se phūTegī kiran rang-e-hinā

    is dar se bahegā tirī raftār sīmāb

    us raah pe phailegī shafaq terī qabā

    phir dekhe haiñ vo hijr ke tapte hue din bhī

    jab fikr-e-dil-o-jāñ meñ fuġhāñ bhuul ga.ī hai

    har shab vo siyah bojh ki dil baiTh gayā hai

    har sub.h lau tiir siine meñ lagī hai

    tanhā.ī meñ kyā kyā na tujhe yaad kiyā hai

    kyā kyā na dil-e-zār ne DhūñDī haiñ panāheñ

    āñkhoñ se lagāyā hai kabhī dast-e-sabā ko

    Daalī haiñ kabhī gardan-e-mahtāb meñ bāheñ

    (2)

    chāhā hai isī rañg meñ lailā-e-vatan ko

    taḌpā hai isī taur se dil us lagan meñ

    DhūñDī hai yūñhī shauq ne āsā.ish-e-manzil

    ruḳhsār ke ḳham meñ kabhī kākul shikan meñ

    us jān-e-jahāñ ko bhī yūñhī qalb-o-nazar ne

    hañs hañs ke sadā kabhī ro ro ke pukārā

    puure kiye sab harf-e-tamannā ke taqāze

    har dard ko ujyālā har ik ġham ko sañvārā

    vāpas nahīñ pherā koī farmān junūñ

    tanhā nahīñ lauTī kabhī āvāz jaras

    ḳhairiyyat-e-jāñ rāhat-e-tan sehhat-e-dāmāñ

    sab bhuul ga.iiñ maslihateñ ahl-e-havas

    is raah meñ jo sab pe guzartī hai vo guzrī

    tanhā pas-e-zindāñ kabhī rusvā sar-e-bāzār

    garje haiñ bahut shaiḳh sar-e-gosha-e-mimbar

    kaḌke haiñ bahut ahl-e-hakam bar-sar-e-darbār

    chhoḌā nahīñ ġhairoñ ne koī nāvak-e-dushnām

    chhūTī nahīñ apnoñ se koī tarz-e-malāmat

    is ishq na us ishq pe nādim hai magar dil

    har daaġh hai is dil meñ ba-juz-dāġh-e-nadāmat

    (1)

    taza hain abhi yaad mein ai saqi-e-gulfam

    wo aks-e-ruKH-e-yar se lahke hue ayyam

    wo phul si khulti hui didar ki saat

    wo dil sa dhaDakta hua ummid ka hangam

    ummid ki lau jaga gham-e-dil ka nasiba

    lo shauq ki tarsi hui shab ho gai aaKHir

    lo Dub gae dard ke be-KHwab sitare

    ab chamkega be-sabr nigahon ka muqaddar

    is baam se niklega tere husn ka KHurshid

    is kunj se phuTegi kiran rang-e-hina ki

    is dar se bahega teri raftar ka simab

    us rah pe phailegi shafaq teri qaba ki

    phir dekhe hain wo hijr ke tapte hue din bhi

    jab fikr-e-dil-o-jaan mein fughan bhul gai hai

    har shab wo siyah bojh ki dil baiTh gaya hai

    har subh ki lau tir si sine mein lagi hai

    tanhai mein kya kya na tujhe yaad kiya hai

    kya kya na dil-e-zar ne DhunDi hain panahen

    aankhon se lagaya hai kabhi dast-e-saba ko

    Dali hain kabhi gardan-e-mahtab mein bahen

    (2)

    chaha hai isi rang mein laila-e-watan ko

    taDpa hai isi taur se dil us ki lagan mein

    DhunDi hai yunhi shauq ne aasaish-e-manzil

    ruKHsar ke KHam mein kabhi kakul ki shikan mein

    us jaan-e-jahan ko bhi yunhi qalb-o-nazar ne

    hans hans ke sada di kabhi ro ro ke pukara

    pure kiye sab harf-e-tamanna ke taqaze

    har dard ko ujyala har ek gham ko sanwara

    wapas nahin phera koi farman junun ka

    tanha nahin lauTi kabhi aawaz jaras ki

    KHairiyyat-e-jaan rahat-e-tan sehhat-e-daman

    sab bhul gain maslihaten ahl-e-hawas ki

    is rah mein jo sab pe guzarti hai wo guzri

    tanha pas-e-zindan kabhi ruswa sar-e-bazar

    garje hain bahut shaiKH sar-e-gosha-e-mimbar

    kaDke hain bahut ahl-e-hakam bar-sar-e-darbar

    chhoDa nahin ghairon ne koi nawak-e-dushnam

    chhuTi nahin apnon se koi tarz-e-malamat

    is ishq na us ishq pe nadim hai magar dil

    har dagh hai is dil mein ba-juz-dagh-e-nadamat

    Videos
    This video is playing from YouTube

    Videos
    This video is playing from YouTube

    Zehra Nigaah

    Zehra Nigaah

    Hamida Bano

    Hamida Bano

    RECITATIONS

    Faiz Ahmad Faiz

    Faiz Ahmad Faiz,

    Hamida Chopra

    Hamida Chopra,

    Faiz Ahmad Faiz

    do ishq Faiz Ahmad Faiz

    Hamida Chopra

    do ishq Hamida Chopra

    Source :
    • Book : Nuskha Hai Wafa (Pg. 143)
    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now