do laDen tisre ka bhala ho

khet meñ chand murġhiyāñ ham-sin

chug rahī thiiñ ḳhushī ḳhushī ik din

aur do murġhe aise nazar aa.e

laḌ rahe the jo ek bhuTTe par

itne meñ ik tīsrā murġhā

aa ke chupke se bhuTTā le bhāgā

rah ga.e donoñ ho ke vo ḳhāmosh

aur donoñ ko aayā ab ye hosh

ham na laḌte to karte kyuuñ nuqsān

sach to ye hai ki haiñ baḌe nādān

ab jo pachhtā.e fā.eda kyā hai

phuuT kā bas yahī natīja hai

is se ma.alūm ho gayā laḌko

do laḌeñ tīsre kā achchhā ho

mil ke rahne se kaam hotā hai

yahī dastūr kul jahāñ kā hai

aur laḌte rahe agar bāham

pā nahīñ sakte fā.eda kuchh ham

yaad rakkho ye baat 'jauhar' kī

ye uḌātā nahīñ hai be-par kī

khet mein chand murghiyan ham-sin

chug rahi thin KHushi KHushi ek din

aur do murghe aise nazar aae

laD rahe the jo ek bhuTTe par

itne mein ek tisra murgha

aa ke chupke se bhuTTa le bhaga

rah gae donon ho ke wo KHamosh

aur donon ko aaya ab ye hosh

hum na laDte to karte kyun nuqsan

sach to ye hai ki hain baDe nadan

ab jo pachhtae faeda kya hai

phuT ka bas yahi natija hai

is se malum ho gaya laDko

do laDen tisre ka achchha ho

mil ke rahne se kaam hota hai

yahi dastur kul jahan ka hai

aur laDte rahe agar baham

pa nahin sakte faeda kuchh hum

yaad rakkho ye baat 'jauhar' ki

ye uData nahin hai be-par ki