doctor zor se

tū ne kī taḳhlīq ai mahv-e-ḳhirām-e-justujū

qatra-e-ḳhūn-e-jigar se kā.enāt-e-rang-o-bū

apnī dil-sozī se zarre ko banāyā āftāb

tū ne ulTā rū-e-mustaqbil se maazī kā naqāb

terī betābī nahīñ ālūda-e-nām-o-numūd

zindagī ko ik payām-e-mustaqil terā vajūd

vahm-e-bātil hai tire ehsās ko ḳhvāb-e-girāñ

tere har ik saañs kī qīmat hai umr-e-jāvedāñ

terī har jumbish meñ hai rāz-e-nizām-e-kā.enāt

terī har kāvish se paatā hai numū rang-e-hayāt

kār-gāh-e-zindagī meñ terī fitrat ābshār

terī sīrat nahr-e-shīrīñ terī himmat kohsār

faiz-e-mahr-o-māh tere jalva-e-īsār meñ

soz-o-sāz-e-ārzū tere dil-e-bedār meñ

haiñ subūt-e-jazba-e-ḳhidmat tire siine ke daaġh

phir huā raushan dakan meñ tujh se urdu kā charāġh

kyuuñ na itrā.ūñ ki ab apnā dilsitāñ khil gayā

bū-e-gul aane lagī bāb-e-gulistāñ khil gayā

zarre zarre ko dakan ke darḳhor-e-paiġhām kar

ai parastār-e-vatan apne vatan kā naam kar

tu ne ki taKHliq ai mahw-e-KHiram-e-justuju

qatra-e-KHun-e-jigar se kaenat-e-rang-o-bu

apni dil-sozi se zarre ko banaya aaftab

tu ne ulTa ru-e-mustaqbil se mazi ka naqab

teri betabi nahin aaluda-e-nam-o-numud

zindagi ko ek payam-e-mustaqil tera wajud

wahm-e-baatil hai tere ehsas ko KHwab-e-giran

tere har ek sans ki qimat hai umr-e-jawedan

teri har jumbish mein hai raaz-e-nizam-e-kaenat

teri har kawish se pata hai numu rang-e-hayat

kar-gah-e-zindagi mein teri fitrat aabshaar

teri sirat nahr-e-shirin teri himmat kohsar

faiz-e-mahr-o-mah tere jalwa-e-isar mein

soz-o-saz-e-arzu tere dil-e-bedar mein

hain subut-e-jazba-e-KHidmat tere sine ke dagh

phir hua raushan dakan mein tujh se urdu ka charagh

kyun na itraun ki ab apna dilsitan khil gaya

bu-e-gul aane lagi bab-e-gulistan khil gaya

zarre zarre ko dakan ke darKHor-e-paigham kar

ai parastar-e-watan apne watan ka nam kar