dost

us se jab kahtā huuñ maiñ

merā ek

nanhā-munnā dost hai

pūchhtā hai kaun hai

sāmne kī daañt us ke

aaTh

sab shaffāf motī

mish.aleñ

us kī sharīr par āñkhoñ meñ raushan

lab pe us ke

nit-na.e taaza hasīñ alfāz

shā.ir avvalīñ shā.ir

tilsmātī zabāñ kā avvalīñ shā.ir

vo sheroñ hāthiyoñ genDoñ

sunahrī battaḳhoñ kī bandaroñ kī hamd gaatā hai

khilaunā gāḌiyoñ meñ

shahar kī masrūf saḌkoñ par

mujhe aur maañ ko ammī aur abbā ko ghumātā hai

mirī bātoñ pe merā nanhā-munnā dost hañstā chachahātā hai

maiñ nanhā dost huuñ

maiñ hī vo nanhā dost huuñ

maiñ dost huuñ

maiñ dost huuñ

maiñ pūchhtā huuñ merā nanhā dost

mujh se pyaar kartā hai to kitnā pyaar kartā hai

vo baazū kholtā hai aur zamīn-o-āsmāñ

un meñ chhupā kar mujh se kahtā hai

bahut kartā huuñ itnā Dher sā itnā bahut kartā huuñ

ghoḌā ruk gayā

merā kabūtar uḌ gayā

chiḌiyā jo daana khā ga.ī

vo maiñ bhī khā.ūñgā

gilahrī so na jaa.e aur bandar

un ko maiñ biscuit khilā.uñgā

mujhe totā dikhāo

sabz choñch aur surḳh totā

rīchh kuttā bheḌiyā billī kā bachcha

un kī tasvīreñ kahāñ haiñ

aaj un ke paas jā.uñgā

unheñ maiñ un kī tasvīreñ dikhā.ūñgā

us se jab kahta hun main

mera ek

nanha-munna dost hai

puchhta hai kaun hai

samne ki dant us ke

aaTh

sab shaffaf moti

mishalen

us ki sharir par aankhon mein raushan

lab pe us ke

nit-nae taza hasin alfaz

shair awwalin shair

tilsmati zaban ka awwalin shair

wo sheron hathiyon genDon

sunahri battaKHon ki bandaron ki hamd gata hai

khilauna gaDiyon mein

shahar ki masruf saDkon par

mujhe aur man ko ammi aur abba ko ghumata hai

meri baaton pe mera nanha-munna dost hansta chachahata hai

main nanha dost hun

main hi wo nanha dost hun

main dost hun

main dost hun

main puchhta hun mera nanha dost

mujh se pyar karta hai to kitna pyar karta hai

wo bazu kholta hai aur zamin-o-asman

un mein chhupa kar mujh se kahta hai

bahut karta hun itna Dher sa itna bahut karta hun

ghoDa ruk gaya

mera kabutar uD gaya

chiDiya jo dana kha gai

wo main bhi khaunga

gilahri so na jae aur bandar

un ko main biscuit khilaunga

mujhe tota dikhao

sabz chonch aur surKH tota

richh kutta bheDiya billi ka bachcha

un ki taswiren kahan hain

aaj un ke pas jaunga

unhen main un ki taswiren dikhaunga