doston se kah do

ham ḳhvāb nahīñ dekh sakte

hamāre ghar ke qarīb

koī nahr nahīñ bahtī

aur na hī

kisī park meñ

sañgī nashist

hamāre naam se mansūb hai

hamārī taraf

aane vaale kisī rāste par

koī daraḳht nahīñ lagāyā gayā

niilā āsmān

ham se bahut duur hai

aur sitāre

sirf hamārī āñkhoñ meñ chamakte haiñ

dostoñ se kah do

ham hālat-e-jañg meñ

āsmān se girā.e ga.e khilaune haiñ

koī ham se mat khele

hum KHwab nahin dekh sakte

hamare ghar ke qarib

koi nahr nahin bahti

aur na hi

kisi park mein

sangi nashist

hamare nam se mansub hai

hamari taraf

aane wale kisi raste par

koi daraKHt nahin lagaya gaya

nila aasman

hum se bahut dur hai

aur sitare

sirf hamari aankhon mein chamakte hain

doston se kah do

hum haalat-e-jang mein

aasman se girae gae khilaune hain

koi hum se mat khele