dua

yā ḳhudā ham ko ādmiyat de

mulk aur qaum kī mohabbat de

kar atā is qadar tamīz hameñ

ki ho apnā vatan aziiz hameñ

is kī ḳhidmat ko faḳhr jāneñ ham

is kī har baat dil se māneñ ham

phuuT aur iftirāq kho deñ ham

paap kī naav ko Dubo deñ ham

hasad-o-kīna o ḳhusūmat o shar

kar deñ in meñ se sab ko mulk-badar

ek ho jaa.eñ sab ḳhavās o avaam

na rahe ġhairiyat kā mulk haiñ naam

sulh o amn-o-amāñ ho chaar taraf

āfiyat hukmarāñ ho chaar taraf

ittihād-e-amal se hoñ sab kaam

koī daanā rahe na banda-ए-dām

mulk ho ġhair ke asar se paak

ḳhirman-e-jaur-o-ma.asiyat ho ḳhaak

ho ye vīrāna ġhairat-e-gulzār

phir se aa.e vatan meñ taaza bahār

paTTā utre gale se la.anat kā

ḳhatm ho daur faqr o zillat kā

ya KHuda hum ko aadmiyat de

mulk aur qaum ki mohabbat de

kar ata is qadar tamiz hamein

ki ho apna watan aziz hamein

is ki KHidmat ko faKHr jaanen hum

is ki har baat dil se manen hum

phuT aur iftiraq kho den hum

pap ki naw ko Dubo den hum

hasad-o-kina o KHusumat o shar

kar den in mein se sab ko mulk-badar

ek ho jaen sab KHawas o awam

na rahe ghairiyat ka mulk hain nam

sulh o amn-o-aman ho chaar taraf

aafiyat hukmaran ho chaar taraf

ittihad-e-amal se hon sab kaam

koi dana rahe na banda-ए-dam

mulk ho ghair ke asar se pak

KHirman-e-jaur-o-masiyat ho KHak

ho ye virana ghairat-e-gulzar

phir se aae watan mein taza bahaar

paTTa utre gale se lanat ka

KHatm ho daur faqr o zillat ka