dua dua chehra

duā duā vo chehra

hayā hayā vo āñkheñ

sabā sabā vo zulfeñ

chale lahū gardish meñ

rahe aañkh meñ dil meñ

base mire ḳhvāboñ meñ

jale akele-pan meñ

mile har ik mahfil meñ

duā duā vo chehra

kabhī kisī chilman ke pīchhe

kabhī daraḳht ke nīche

kabhī vo haath pakaḌte

kabhī havā se Darte

kabhī vo bārish andar

kabhī vo mauj samundar

kabhī vo sūraj Dhalte

kabhī vo chāñd nikalte

kabhī ḳhayāl kī rau meñ

kabhī charāġh kī lau meñ

duā duā vo chehra

kabhī baal sukhā.e āñgan meñ

kabhī maañg nikāle darpan meñ

kabhī chale pavan ke paañv meñ

kabhī hañse dhuup meñ chhāñv meñ

kabhī pāgal pāgal nainoñ meñ

kabhī chhāgal chhāgal sīnoñ meñ

kabhī phūloñ phuul vo thālī meñ

kabhī diyoñ bharī dīvālī meñ

kabhī sajā huā ā.īne meñ

kabhī duā banā vo ziine meñ

kabhī apne-āp se jañgoñ meñ

kabhī jīvan mauj-tarañgoñ meñ

kabhī naġhma nūr-fazāoñ meñ

kabhī maulā huzūr duāoñ meñ

kabhī ruke hue kisī lamhe meñ

kabhī dukhe hue kisī chehre meñ

vahī chehra boltā rahtā huuñ

vahī āñkheñ sochtā rahtā huuñ

vahī zulfeñ dekhtā rahtā huuñ

duā duā vo chehra

hayā hayā vo āñkheñ

sabā sabā vo zulfeñ

dua dua wo chehra

haya haya wo aankhen

saba saba wo zulfen

chale lahu gardish mein

rahe aankh mein dil mein

base mere KHwabon mein

jale akele-pan mein

mile har ek mahfil mein

dua dua wo chehra

kabhi kisi chilman ke pichhe

kabhi daraKHt ke niche

kabhi wo hath pakaDte

kabhi hawa se Darte

kabhi wo barish andar

kabhi wo mauj samundar

kabhi wo suraj Dhalte

kabhi wo chand nikalte

kabhi KHayal ki rau mein

kabhi charagh ki lau mein

dua dua wo chehra

kabhi baal sukhae aangan mein

kabhi mang nikale darpan mein

kabhi chale pawan ke panw mein

kabhi hanse dhup mein chhanw mein

kabhi pagal pagal nainon mein

kabhi chhagal chhagal sinon mein

kabhi phulon phul wo thaali mein

kabhi diyon bhari diwali mein

kabhi saja hua aaine mein

kabhi dua bana wo zine mein

kabhi apne-ap se jangon mein

kabhi jiwan mauj-tarangon mein

kabhi naghma nur-fazaon mein

kabhi maula huzur duaon mein

kabhi ruke hue kisi lamhe mein

kabhi dukhe hue kisi chehre mein

wahi chehra bolta rahta hun

wahi aankhen sochta rahta hun

wahi zulfen dekhta rahta hun

dua dua wo chehra

haya haya wo aankhen

saba saba wo zulfen