dusre hath ka dukh

maiñ tujh se kyuuñ ḳhafā hone lagā qaazī

mirī to ruuh tū ne paak kar dī ye sazā de kar

kabhī maiñ sochtā bhī jurm ko apne

to ab shāyad na sochūñgā

haañ

burā gar maan saktā hai

to merā dūsrā ye haath

jis kā ek hī sāthī thā is duniyā meñ

jo kuhnī se tū ne kaaT Daalā

aur ye apne yaar kā ġham

kis qadar

aur kis tarah letā hai dil par

is kā mujhe koī andāza nahīñ hai

main tujh se kyun KHafa hone laga qazi

meri to ruh tu ne pak kar di ye saza de kar

kabhi main sochta bhi jurm ko apne

to ab shayad na sochunga

han

bura gar man sakta hai

to mera dusra ye hath

jis ka ek hi sathi tha is duniya mein

jo kuhni se tu ne kaT Dala

aur ye apne yar ka gham

kis qadar

aur kis tarah leta hai dil par

is ka mujhe koi andaza nahin hai