aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

آدھا کمرہ

سارا شگفتہ

آدھا کمرہ

سارا شگفتہ

MORE BYسارا شگفتہ

    اس نے اتنی کتابیں چاٹ ڈالیں

    کہ اس کی عورت کے پیر کاغذ کی طرح ہو گئے

    وہ روز کاغذ پہ اپنا چہرہ لکھتا اور گندہ ہوتا

    اس کی عورت جو خاموشی کاڑھے بیٹھی تھی

    کاغذوں کے بھونکنے پر سارتر کے پاس گئی

    تم راںؔ بو اور فرائڈؔ سے بھی مل آئے ہو کیا

    سیفوؔ میری سیفوؔ میرابائیؔ کی طرح مت بولو

    میں سمجھ گئی اب اس کی آنکھیں

    کیٹسؔ کی آنکھیں ہوئی جاتی ہیں

    میں جو سوہنی کا گھڑا اٹھائے ہوئے تھی

    اپنا نام لیلیٰ بتا چکی تھی

    میں نے کہا

    لیلیٰ مجمع کی باتیں میرے سامنے مت دہرایا کرو

    تنہائی بھی کوئی چیز ہوتی ہے

    شیکسپئیر کے ڈراموں سے چن چن کر اس نے ٹھمکے لگائے

    مجھے تنہا دیکھ کر

    سارتر فرائڈؔ کے کمرے میں چلا گیا

    وہ اپنی تھیوری سے گر گر پڑتا

    میں سمجھ گئی اس کی کتاب کتنی ہے

    لیکن بہر حال سارتر تھا

    اور کل کو مجمع میں بھی ملنا تھا

    میں نے بھیڑ کی طرف اشارہ کیا تو بولا

    اتنے سارے سارتروں سے مل کر تمہیں کیا کرنا ہے

    اگر زیادہ ضد کرتی ہو تو اپنے وارث شاہؔ

    ہیر سیال کے کمروں میں چلے چلتے ہیں

    سارتر سے استعارہ ملتے ہی

    میں نے ایک تنقیدی نشست رکھی

    میں نے آدھا کمرہ بھی بڑی مشکل سے حاصل کیا تھا

    سو پہلے آدھے فرائڈؔ کو بلایا

    پھر آدھے راںؔ بو کو بلایا

    آدھی آدھی بات پوچھنی شروع کی

    جان ڈنؔ کیا کر رہا ہے

    سیکنڈ ہینڈ شاعروں سے نجات چاہتا ہے

    چوروں سے سخت نالاں ہے

    دانتےؔ اس وقت کہاں ہے

    وہ جہنم سے بھی فرار ہو چکا ہے

    اس کو شبہ تھا

    وہ خواجہ سراؤں سے زیادہ دیر مقابلہ نہیں کر سکتا

    اپنے پس منظر میں

    ایک کتا مسلسل بھونکنے کے لیے چھوڑ گیا ہے

    اس کتے کی خصلت کیا ہے

    بیاترؔچے کی یاد میں بھونک رہا ہے

    تمہارا تصور کیا کہتا ہے

    سارتروں کی تصور کے لحاظ سے

    اب اس کا رخ گوئٹےؔ کے گھر کی طرف ہو گیا ہے

    باقی آدھے کمرے میں کیا ہو رہا ہے

    لڑکیاں

    کیا حرف چن رہی ہیں

    استعارے کے لحاظ سے

    حرام کے بچے گن رہی ہیں

    لڑکیوں کے نام قافیے کی وجہ سے

    سارتر زیادہ نہیں رکھ پا رہا ہے

    اس لیے ان کی غزل چھوٹی پڑ رہی ہے

    زمین کے لحاظ سے نقاد

    اپنے کمروں سے اکھڑنے کے لیے تیار نہیں

    لیکن انہوں نے وعدہ کیا ہے

    سارے تھنکر اکٹھے ہوں گے

    اور بتائیں گے کہ سوسائٹی کیا ہے

    اور کیوں ہے

    ویسے ہواؤں کا کام ہے چلتے پھرتے رہنا

    دور اندیش کی آنکھ کیسی ہے

    سگریٹ کے کش سے بڑی ہے

    وہ گھڑے سے پتھر نکال کر گن رہے تھے

    اور کہہ رہے تھے میں اس گھڑے کا بانی ہوں

    چائے کے ساتھ غیبت کے کیک

    ضروری ہوتے ہیں

    اور چغلخوری کی کتاب کا دیباچہ

    ہر شخص لکھتا ہے

    زبانوں میں بجھے تیروں سے مقتول زندہ ہو رہے ہیں

    بڑا ابلاغ ہے

    سوسائٹی کے چہرے پہ وہ زبان چلتی ہے

    کہ ایک ایک بندے کے پاس

    کتابوں کی ریاست بندے سے زیادہ ہے

    ریاست میں

    مہارانیوں کے قصے گھڑنے پر

    علم کی بڑی ملتی ہے

    بل کے سادہ کاغذ پر

    علم لکھ دیا جاتا ہے

    تازہ دریافت پر

    ہر فرد کی مٹھی گرم ہوتی ہے

    پہلے یہ بتاؤ جھجھنے کی تاریخ پیدائش کیا ہے

    میں کوئی نقاد ہوں جو تاریخ دہراتا پھروں

    کسی کا کلام پڑھ لو

    تاریخ معلوم ہو جائے گی

    تمہاری آنکھوں میں آنسو

    میرؔ کی کتاب کا دیباچہ لکھنا ہے

    یہ کس کی پٹی ہے

    نقاد بھائی کی

    یہ کس کی آنکھ ہے

    مجھے تو سیفوؔ بھابھی کی معلوم ہو رہی ہے

    اور یہ ہاتھ

    غالب کا لگتا ہے

    بکتے ہو

    زر کی امان پاؤں تو بتاؤں

    جتنے نام یاد تھے بتا دیئے

    لیکن تمہارا تصور کیا کہتا

    میں دم ہلانے کے سوا کیا کر سکتا ہوں

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے