ehsas-e-ghairat

ham kisī ḳhauf meñ hargiz nahīñ aane vaale

kah do ab ham ko Darā.eñ na Darāne vaale

ham meñ ḳhud-dārī-o-ġhairat kī kamī thī jab tak

Dhā chuke ham pe sitam ḳhuub se Dhāne vaale

miT liye ham meñ na thā jab talak ehsās us kā

ab zarā hosh kī leñ ham ko miTāne vaale

ho ga.ī ham ko ab apnī ġhalatī par tambīh

ab ham aġhyār ke dam meñ nahīñ aane vaale

ham ko zillat jo diyā karte haiñ ḳhud hoñge zalīl

vo bhī din jald muqaddar se haiñ aane vaale

leñge jald un se ham is jaur-o-jafā kā badla

dil meñ ḳhush hoñ na bahut ham ko satāne vaale

mil ga.ī hind ko british kī ġhulāmī se najāt

kaash ye muzhda suneñ jald zamāne vaale

hum kisi KHauf mein hargiz nahin aane wale

kah do ab hum ko Daraen na Darane wale

hum mein KHud-dari-o-ghairat ki kami thi jab tak

Dha chuke hum pe sitam KHub se Dhane wale

miT liye hum mein na tha jab talak ehsas us ka

ab zara hosh ki len hum ko miTane wale

ho gai hum ko ab apni ghalati par tambih

ab hum aghyar ke dam mein nahin aane wale

hum ko zillat jo diya karte hain KHud honge zalil

wo bhi din jald muqaddar se hain aane wale

lenge jald un se hum is jaur-o-jafa ka badla

dil mein KHush hon na bahut hum ko satane wale

mil gai hind ko british ki ghulami se najat

kash ye muzhda sunen jald zamane wale