ehtisab

mujhe batāo ai ilm vaalo

ḳhudā ke mahbūb kī mohabbat kā dam bharoge to kyā milegā

ki us kī ummat hazār firqoñ meñ baT rahī hai

munāfiqoñ shar-pasand qaumoñ ke haath se aaj

kaT rahī hai

tum apne apne usuul le kar khaḌe hue ho

kyoñ apne apne usuul le kar khaḌe hue ho

ḳhudā-rā ye tafraqe miTā do

jo murda-dil haiñ unheñ jilā do

ye pairokār-e-niyāz-mandāñ

ye sab to ma.asūm-o-nā-balad haiñ

jo rahbarī meñ tumhārī chal kar samajh rahe haiñ

ki mustanad haiñ

jo ho sake to inheñ bachā lo

fishār-e-zulmāt se nikālo

inheñ haqīqat kī raushnī do

ujaaḌ āñkhoñ meñ ḳhvāb rakh do

tumhāre hī ittihād se intishār miTne kī haiñ umīdeñ

tum ittihādī banāo in ko

tum ittifāqī banāo in ko

yahī bas ik hal hai mas.ale kā

vagarna dekhoge roz-e-mahshar

tumhārī dāman-kushā.ī hogī

in hī kī jānib ḳhudā rahegā

in hī kī jānib ye dekhnā

mustafā.ī hogī

mujhe batao ai ilm walo

KHuda ke mahbub ki mohabbat ka dam bharoge to kya milega

ki us ki ummat hazar firqon mein baT rahi hai

munafiqon shar-pasand qaumon ke hath se aaj

kaT rahi hai

tum apne apne usul le kar khaDe hue ho

kyon apne apne usul le kar khaDe hue ho

KHuda-ra ye tafraqe miTa do

jo murda-dil hain unhen jila do

ye pairokar-e-niyaz-mandan

ye sab to masum-o-na-balad hain

jo rahbari mein tumhaari chal kar samajh rahe hain

ki mustanad hain

jo ho sake to inhen bacha lo

fishaar-e-zulmat se nikalo

inhen haqiqat ki raushni do

ujaD aankhon mein KHwab rakh do

tumhaare hi ittihad se intishaar miTne ki hain umiden

tum ittihadi banao in ko

tum ittifaqi banao in ko

yahi bas ek hal hai masale ka

wagarna dekhoge roz-e-mahshar

tumhaari daman-kushai hogi

in hi ki jaanib KHuda rahega

in hi ki jaanib ye dekhna

mustafai hogi