eid

MORE BY Shifa Kajgavnwi

    chalo ham eid manā.eñ ki jashn din hai

    ḳhushī ke giit sunā.eñ ki jashn din hai

    ruḳhoñ pe phuul khilā.eñ ki jashn din hai

    diloñ meñ priit jagā.eñ ki jashn din hai

    magar ruko zarā Thahro ye siskiyāñ kaisī

    ḳhushī ki rut meñ dukhoñ ye badliyāñ kaisī

    suno ye ġhaur se maa.eñ bilak rahī haiñ kahīñ

    ye dekho bachchoñ āñkheñ chhalak rahī haiñ kahīñ

    kisī ke eid ke joḌe meñ hai kafan aayā

    kahīñ pe zaḳhmoñ se lipTā huā badan aayā

    koī to khilne se pahle kalī ko luuT gayā

    kahīñ daraḳht apnī zamīñ se TuuT gayā

    kis ne kar diye pāmāl sāya-dār shajar

    jaḌeñ kahīñ pe kaTīñ aur kahīñ bache na samar

    kahāñ haiñ vo ki jo ḳhud ko ḳhudā samajhte haiñ

    vo jo ki amn-o-amāñ ke fasāne kahte haiñ

    vo jin ke haath meñ rahtā hai parcham-e-insāñ

    hue haiñ un ke sab afkār-e-amn ab uryāñ

    agar haiñ sāhab-e-kirdār to zabāñ kholeñ

    agar haiñ sāhab-e-īmāñ to phir vo sach boleñ

    haiñ muqtadir to bas ab rok leñ husām-e-jaur

    ye bahtī ḳhuun nadiyāñ musībatoñ daur

    pa un se koī umīd-e-vafā kare kaise

    jo ba-duā ho mujassam duā kare kaise

    jahāñ meñ chaar taraf chīḳh hai karāhe haiñ

    sitam-rasīda diloñ se nikaltī aaheñ haiñ

    hai shor-e-nāla-o-āh-o-buka chahār taraf

    kahāñ eid hai mātam bapā chahār taraf

    manā.e kaise koī eid har taraf ġham hai

    manā.e kaise koī eid aañkh pur-nam hai

    sunā.e kaise koī giit saaz TuuT ga.e

    jagā.e kaise koī aas apne chhūT ga.e

    magar ye eid din bhī to ik haqīqat hai

    ki vaj.h-e-eid samajhnā bhī ik ibādat hai

    chalo ki rote huoñ ko hañsā ke eid manā.eñ

    kisī ke dard ko apnā banā ke eid manā.eñ

    diloñ se apne adāvat miTā ke eid manā.eñ

    kisī ke lab pe tabassum sajā ke eid manā.eñ

    chalo hum eid manaen ki jashn ka din hai

    KHushi ke git sunaen ki jashn ka din hai

    ruKHon pe phul khilaen ki jashn ka din hai

    dilon mein prit jagaen ki jashn ka din hai

    magar ruko zara Thahro ye siskiyan kaisi

    KHushi ki rut mein dukhon ki ye badliyan kaisi

    suno ye ghaur se maen bilak rahi hain kahin

    ye dekho bachchon ki aankhen chhalak rahi hain kahin

    kisi ke eid ke joDe mein hai kafan aaya

    kahin pe zaKHmon se lipTa hua badan aaya

    koi to khilne se pahle kali ko luT gaya

    kahin daraKHt hi apni zamin se TuT gaya

    kis ne kar diye pamal saya-dar shajar

    jaDen kahin pe kaTin aur kahin bache na samar

    kahan hain wo ki jo KHud ko KHuda samajhte hain

    wo jo ki amn-o-aman ke fasane kahte hain

    wo jin ke hath mein rahta hai parcham-e-insan

    hue hain un ke sab afkar-e-amn ab uryan

    agar hain sahab-e-kirdar to zaban kholen

    agar hain sahab-e-iman to phir wo sach bolen

    hain muqtadir to bas ab rok len husam-e-jaur

    ye bahti KHun ki nadiyan musibaton ka daur

    pa un se koi umid-e-wafa kare kaise

    jo ba-dua ho mujassam dua kare kaise

    jahan mein chaar taraf chiKH hai karahe hain

    sitam-rasida dilon se nikalti aahen hain

    hai shor-e-nala-o-ah-o-buka chahaar taraf

    kahan ki eid hai matam bapa chahaar taraf

    manae kaise koi eid har taraf gham hai

    manae kaise koi eid aankh pur-nam hai

    sunae kaise koi git saz TuT gae

    jagae kaise koi aas apne chhuT gae

    magar ye eid ka din bhi to ek haqiqat hai

    ki wajh-e-eid samajhna bhi ek ibaadat hai

    chalo ki rote huon ko hansa ke eid manaen

    kisi ke dard ko apna bana ke eid manaen

    dilon se apne adawat miTa ke eid manaen

    kisi ke lab pe tabassum saja ke eid manaen

    Tagged Under

    Eid
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY