aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

eidi kaise baDhai jae

Muzaffar Hanfi

eidi kaise baDhai jae

Muzaffar Hanfi

MORE BYMuzaffar Hanfi

    bachchoñ ne iid par jab na.are bahut lagā.e

    maañ baap ne bhī apne dukhḌe unheñ sunā.e

    bachcho tumhārī iidī kaise baḌhā.ī jaa.e

    tum ḳhud kah rahe ho mahñgā.ī baḌh ga.ī hai

    aam aadmī bechārā kyā khaa.e kyā bachā.e

    bachcho tumhārī eidī kaise baḌhā.ī jaa.e

    patlūn silā.ī pachchānve rūpa.e

    urfī ke boot sāḌhe-chhai-sau ruupe meñ aa.e

    bachcho tumhārī eidī kaise baḌhā.ī jaa.e

    be-mel suiT ho to ban jaa.e muñh zaman

    sastī agar ho Topī faizān bhinbhinā.e

    bachcho tumhārī eidī kaise baḌhā.ī jaa.e

    bachpan meñ khelte the miTTī ke ham khilaune

    bijlī se chalne vaale guDDe tumheñ dilā.e

    bachcho tumhārī eidī kaise baḌhā.ī jaa.e

    jaa.ez nahīñ taqāzā lālach burī balā hai

    na.are lagā ke tum ne ghar bhar pe zulm Dhaa.e

    bachcho tumhārī eidī kaise baḌhā.ī jaa.e

    tum ne to apne dil ammī se kah sunā.ī

    abbā ke dil se pūchho biptā kise sunā.e

    bachcho tumhārī eidī kaise baḌhā.ī jaa.e

    ye baat bhī girah meñ paisoñ ke saath bāñdho

    sachchī ḳhushī vahī hai jo muft haath aa.e

    bachcho tumhārī eidī kaise baḌhā.ī jaa.e

    achchhā hameñ sivayyāñ mil-jul ke tum khilāo

    ham ne tumhāre paise is eid se baḌhā.e

    bachcho tumhārī eidī kaise baḌhā.ī jaa.e

    bachchon ne id par jab nare bahut lagae

    man bap ne bhi apne dukhDe unhen sunae

    bachcho tumhaari idi kaise baDhai jae

    tum KHud hi kah rahe ho mahngai baDh gai hai

    aam aadmi bechaara kya khae kya bachae

    bachcho tumhaari eidi kaise baDhai jae

    patlun ki silai pachchanwe rupae di

    urfi ke boot saDhe-chhai-sau rupe mein aae

    bachcho tumhaari eidi kaise baDhai jae

    be-mel suiT ho to ban jae munh zaman ka

    sasti agar ho Topi faizan bhinbhinae

    bachcho tumhaari eidi kaise baDhai jae

    bachpan mein khelte the miTTi ke hum khilaune

    bijli se chalne wale guDDe tumhein dilae

    bachcho tumhaari eidi kaise baDhai jae

    jaez nahin taqaza lalach buri bala hai

    nare laga ke tum ne ghar bhar pe zulm Dhae

    bachcho tumhaari eidi kaise baDhai jae

    tum ne to apne dil ki ammi se kah sunai

    abba ke dil se puchho bipta kise sunae

    bachcho tumhaari eidi kaise baDhai jae

    ye baat bhi girah mein paison ke sath bandho

    sachchi KHushi wahi hai jo muft hath aae

    bachcho tumhaari eidi kaise baDhai jae

    achchha hamein siwayyan mil-jul ke tum khilao

    hum ne tumhaare paise is eid se baDhae

    bachcho tumhaari eidi kaise baDhai jae

    Source:

    kamaan(sheri kulliyat (jild avval) (Pg. 433)

    • Author: Firoz Muzaffar
      • Edition: 2013
      • Publisher: arshia publication
      • Year of Publication: 2013

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now