ek aur shahr

ḳhud-fahmī kā armāñ hai tārīkī meñ rū-posh

tārīkī ḳhud be-chashm-o-gosh!

ik be-pāyāñ ujlat rāhoñ kī alvand!

sīnoñ meñ dil yuuñ jaise chashm-e-āz-e-sayyād

taaza ḳhuuñ ke pyāse afrañgī mardān-e-rād

ḳhud deve-e-āhan ke mānind

dariyā ke do sāhil haiñ aur donoñ hī nāpaid

shar hai dast-e-siyah aur ḳhair kā hāmil rū-e-safed

ik bār-e-mizhgāñ ik lab-e-ḳhand

sab paimāne be-sarfa jab sīm-o-zar mīzān

jab zauq-e-amal kā sar-chashma be-ma.anī hizyān

jab dahshat har lamha jāñ-kand

ye sab ufuqī insān haiñ ye un ke samāvī shahr

kyā phir un kī kamīñ meñ vaqt ke tūfāñ kī ik lahr?

kyā sab vīrānī ke dil-band

KHud-fahmi ka arman hai tariki mein ru-posh

tariki KHud be-chashm-o-gosh!

ek be-payan ujlat rahon ki alwand!

sinon mein dil yun jaise chashm-e-az-e-sayyaad

taza KHun ke pyase afrangi mardan-e-rad

KHud dewe-e-ahan ke manind

dariya ke do sahil hain aur donon hi napaid

shar hai dast-e-siyah aur KHair ka hamil ru-e-safed

ek bar-e-mizhgan ek lab-e-KHand

sab paimane be-sarfa jab sim-o-zar mizan

jab zauq-e-amal ka sar-chashma be-mani hizyan

jab dahshat har lamha jaan-kand

ye sab ufuqi insan hain ye un ke samawi shahr

kya phir un ki kamin mein waqt ke tufan ki ek lahr?

kya sab virani ke dil-band