ek bimar subh

agar māzūr ho

chustī se pur logoñ ko dekho

añdhere muñh vo, ik aḳhbār vaalā

guzishta roz kī sab lānatoñ ko roll kar ke

tumhāre band darvāze pe

kab kā pheñk kar jā bhī chukā hai

tumhārā duudh vaalā

shīr-ḳhvāroñ kī sub.h hone se pahle

duudh de kar jā chukā hai

agar māzūr ho

khiḌkī ke shīshoñ se chipak kar baiTh jaao

aur dekho

ki ye schōl jaate huur o ġhilmāñ

kitne bhārī bag thāme

hañste gaate jā rahe haiñ

un ke sar ke Thiik uupar

chahchahāte ġhol chiḌiyoñ ke

talāsh-e-rizq meñ jaate hue dekho

agar māzūr ho

shāmil nahīñ ho gahmāgahmī meñ

to kyā

khiḌkī ke shīshoñ se chipak kar baiTh jaao

agar mazur ho

chusti se pur logon ko dekho

andhere munh wo, ek aKHbar wala

guzishta roz ki sab lanaton ko roll kar ke

tumhaare band darwaze pe

kab ka phenk kar ja bhi chuka hai

tumhaara dudh wala

shir-KHwaron ki subh hone se pahle

dudh de kar ja chuka hai

agar mazur ho

khiDki ke shishon se chipak kar baiTh jao

aur dekho

ki ye school jate hur o ghilman

kitne bhaari bag thame

hanste gate ja rahe hain

un ke sar ke Thik upar

chahchahate ghol chiDiyon ke

talash-e-rizq mein jate hue dekho

agar mazur ho

shamil nahin ho gahmagahmi mein

to kya

khiDki ke shishon se chipak kar baiTh jao