ek dil ek aawaz

amal kī azm kī iḳhlās-e-niyyat kī zarūrat hai

vatan se ai vatan vaalo mohabbat kī zarūrat hai

zarūrat hai ki ik dil aur ik āvāz ho jaao

haqīqat to yahī hai ab haqīqat kī zarūrat hai

kahāñ tak millatoñ ke iḳhtilāfāt aa.e din hoñge

har ik millat se ab to mail millat kī zarūrat hai

zabānī ḳhādim-e-mulk-o-vatan banñā to hai āsāñ

agar maḳhdūm banñā hai to ḳhidmat kī zarūrat hai

tumhārā har amal kirdār-e-indirā kā namūna ho

muravvat kī sadāqat kī hamiyyat kī zarūrat hai

ḳhayālī jannateñ bantī rahīñ bazm-e-tasavvur meñ

amal se jo bane ab aisī jannat kī zarūrat hai

zabāñ se jo kaho apnī vahī dil kā tarāna ho

ham-āhangī ko bhī sāz-e-haqīqat kī zarūrat hai

faqat phūloñ kī ḳhush-rangī se ai 'takmīl' kyā hāsil

jo duniyā ko basānā hai to nik.hat kī zarūrat hai

amal ki azm ki iKHlas-e-niyyat ki zarurat hai

watan se ai watan walo mohabbat ki zarurat hai

zarurat hai ki ek dil aur ek aawaz ho jao

haqiqat to yahi hai ab haqiqat ki zarurat hai

kahan tak millaton ke iKHtilafat aae din honge

har ek millat se ab to mail millat ki zarurat hai

zabani KHadim-e-mulk-o-watan banna to hai aasan

agar maKHdum banna hai to KHidmat ki zarurat hai

tumhaara har amal kirdar-e-indira ka namuna ho

murawwat ki sadaqat ki hamiyyat ki zarurat hai

KHayali jannaten banti rahin bazm-e-tasawwur mein

amal se jo bane ab aisi jannat ki zarurat hai

zaban se jo kaho apni wahi dil ka tarana ho

ham-ahangi ko bhi saz-e-haqiqat ki zarurat hai

faqat phulon ki KHush-rangi se ai 'takmil' kya hasil

jo duniya ko basana hai to nikhat ki zarurat hai