ek guzarish

shikasta huuñ magar daulat bhī hai hāsil huī ham ko

guzāre saath jo pal qadr us kī ho nahīñ kis ko

bane sarmāya haiñ vo zindagī kā pyaar se rakhnā

ḳhudārā yādeñ mat lenā

yahī yādeñ haiñ le jā.eñgī ham ko āḳhrī dam tak

na koī ham-safar hogā na jā.egā koī ghar tak

ye ghar ehsās kā hogā merā ehsās mat lenā

ḳhudārā yādeñ mat lenā

hai khelī pyaar kī baazī na jiitā maiñ na tum haarī

lagā.egī ye duniyā zarb apne dam se hī kaarī

ye tai hai zaḳhm māñgegā koī marham lagā denā

ḳhudārā yādeñ mat lenā

mile ham ittifāqan the magar rāheñ lagīñ yaksāñ

kabhī dushvāriyāñ apnī kabhī manzil rahī pinhāñ

ye hotā rahtā hai aksar jo rūThe dil manā lenā

ḳhudārā yādeñ mat lenā

ye hāthoñ kī lakīreñ ba.az ā.eñgī kahāñ dilbar

inheñ to bair hai ham se karam-farmā raqīboñ par

rahegā khel qismat kā use hai khel meñ lenā

ḳhudārā yādeñ mat lenā

mujhe hai ye yaqīñ pāoge tum apnī na.ī manzil

maiñ taḌpūñ yā karūñ girya nahīñ hogā koī hāsil

haTā kar mujh ko raste se qadam aage baḌhā lenā

ḳhudārā yādeñ mat lenā

shikasta hun magar daulat bhi hai hasil hui hum ko

guzare sath jo pal qadr us ki ho nahin kis ko

bane sarmaya hain wo zindagi ka pyar se rakhna

KHudara yaaden mat lena

yahi yaaden hain le jaengi hum ko aaKHri dam tak

na koi ham-safar hoga na jaega koi ghar tak

ye ghar ehsas ka hoga mera ehsas mat lena

KHudara yaaden mat lena

hai kheli pyar ki bazi na jita main na tum haari

lagaegi ye duniya zarb apne dam se hi kari

ye tai hai zaKHm mangega koi marham laga dena

KHudara yaaden mat lena

mile hum ittifaqan the magar rahen lagin yaksan

kabhi dushwariyan apni kabhi manzil rahi pinhan

ye hota rahta hai aksar jo ruThe dil mana lena

KHudara yaaden mat lena

ye hathon ki lakiren baz aaengi kahan dilbar

inhen to bair hai hum se karam-farma raqibon par

rahega khel qismat ka use hai khel mein lena

KHudara yaaden mat lena

mujhe hai ye yaqin paoge tum apni nai manzil

main taDpun ya karun girya nahin hoga koi hasil

haTa kar mujh ko raste se qadam aage baDha lena

KHudara yaaden mat lena